‘वंदे मातरम्’च्या १५० वर्षपूर्तीचा उत्सव केंद्र सरकारतर्फे साजरा केला जात असताना, काही विरोधी पक्षांच्या खासदारांनी राष्ट्रगीत गाण्यास नकार दिल्याने केंद्रीय गृहमंत्री अमित शाह यांनी नाराजी व्यक्त केली आहे. याबाबत त्यांनी राज्यसभेचे सभापती यांना पत्र लिहिले आहे. अमित शाह यांनी ‘वंदे मातरम्’च्या १५० व्या वर्षगाठीनिमित्त झालेल्या चर्चेदरम्यान उपस्थित झालेल्या प्रश्नांसंदर्भात काही तथ्ये सभापतींना पाठविली आहेत. गृहमंत्री अमित शाह यांनी पत्रात नमूद केले की, मंगळवारी राज्यसभेत झालेल्या वंदे मातरम् विषयक चर्चेदरम्यान त्यांनी काही निवडक जनप्रतिनिधी व विशिष्ट राजकीय पक्षांशी संबंधित व्यक्तींनी केलेल्या राष्ट्रगीताबाबतच्या अस्वीकार्य वर्तनाचा उल्लेख केला होता.
यावेळी काँग्रेस खासदार जयराम रमेश यांनी या घटनांबाबत प्रमाणित माहिती सदनात सादर करण्याची विनंती केली होती, असेही त्यांनी नमूद केले. अमित शाह यांनी सांगितले की, या संदर्भातील काही घटना व माहिती मी राज्यसभा सचिवालयाकडे रेकॉर्डसाठी सुपूर्द करत आहे. या सर्व घटना सार्वजनिक स्वरूपात उपलब्ध असून संबंधित व्यक्ती, वर्ष आणि घटनेचा संक्षिप्त तपशील नमूद केलेला आहे. संबंधित माहिती संलग्न दस्तऐवजात देण्यात आली असून त्या माहितीला राज्यसभेच्या अधिकृत अभिलेखात समाविष्ट करण्यात यावे, अशी विनंतीही शाह यांनी सभापतींना केली आहे.
हेही वाचा..
स्वच्छ मुंबई प्रबोधन अभियानाच्या कामकाजाचे ऑडिट होणार
नागपूर ते चंद्रपूर द्रुतगती महामार्गाच्या सुधारित आखणीस मान्यता
मोदींनी कसा रोखला भारतीय अर्थकारणाचा हलाला?
कोहलीने ‘वन८’ विकला; ४० कोटींची गुंतवणूक
पत्रात त्यांनी काँग्रेस खासदार इमरान मसूद यांचा उल्लेख करत सांगितले की, त्यांनी धार्मिक श्रद्धेचा आधार देत ‘वंदे मातरम्’ गाण्यास नकार दिला होता. नॅशनल कॉन्फरन्सचे खासदार आगा सैयद मेहदी यांनीही संसदेत चर्चा होत असताना ‘‘हे आमच्यासाठी शक्य नाही’’ असे म्हणत वंदे मातरम् गाण्यास नकार दिला होता. त्याचबरोबर समाजवादी पक्षाचे खासदार शफीकुर्रहमान बर्क यांनी २०१९ मध्ये लोकसभा शपथविधीच्या वेळी वंदे मातरम् न गाण्याचे विधान केले होते.
तसेच सपा खासदार जियाउर्रहमान बर्क यांनी आपल्या आजोबा शफीकुर्रहमान बर्क यांच्या भूमिकेला समर्थन दिले होते. काँग्रेस आमदार आरिफ मसूद यांनीही २०१९ मध्ये धार्मिक कारण देत वंदे मातरम् गाण्यास नकार दर्शविला होता. समाजवादी पक्षाने तर शाळांमध्ये वंदे मातरम् अनिवार्य करणारा आदेश रद्द करण्याची मागणी केली होती. काँग्रेस नेते आणि कर्नाटकचे विद्यमान मुख्यमंत्री सिद्धारमैया यांनी २०२२ मध्ये संविधान दिवस कार्यक्रमात कार्यकर्त्यांना वंदे मातरम् न गाण्याचा सल्ला दिला होता.
