झारखंड : सुरक्षा दल आणि नक्षलवाद्यांमध्ये चकमक; दोन जवान हुतात्मा, एक जखमी!

झारखंडच्या पलामू जिल्ह्यात सुरक्षा दल आणि नक्षलवादी संघटना थर्ड कॉन्फरन्स प्रेझेंटेशन कमिटी (टीएसपीसी) यांच्यात झालेल्या चकमकीत दोन सुरक्षा कर्मचारी हुतात्मा झाले तर एक जवान जखमी झाला. पलामू रेंजचे डीआयजी नौशाद आलम यांनी सांगितले की, मनातू पोलिस स्टेशन परिसरातील केदल परिसरात रात्री १२:३० वाजता ही चकमक सुरू झाली. यामध्ये दोन जवान हुतात्मा झाले आणि एका जखमी जवानाला मेदिनीराय मेडिकल कॉलेज आणि हॉस्पिटलमध्ये दाखल करण्यात आले आहे. टीएसपीसी ही बंदी घातलेल्या सीपीआय (माओवादी) या संघटनेचा एक गट आहे, जो या भागात सक्रिय आहे. सुरक्षा दलाची या भागात कारवाई सुरू आहे.

अहवालात असा दावा करण्यात आला आहे की पोलिसांना माहिती मिळाली होती की टीएसपीसी झोनल कमांडर शशिकांत गंजू हे कर्मा उत्सवानिमित्त त्याच्या गावी केदल येथे येऊ शकतो. नक्षलवादी शशिकांतवर १० लाख रुपयांचे बक्षीस जाहीर करण्यात आले आहे. माहितीच्या आधारावर पोलिसांनी विशेष शोध मोहीम सुरू केली. पोलिसांचे पथक गावाजवळ पोहोचताच नक्षलवाद्यांना याची माहिती मिळाली. यानंतर शशिकांत गंजू आणि त्याच्या पथकाने अचानक गोळीबार सुरू केला. पोलिसांनीही प्रत्युत्तर दिले.