पाकिस्तानच्या खैबर पख्तूनख्वा प्रांतात मुसळधार पाऊस आणि ढगफुटीमुळे आलेल्या अचानक पुराने मोठा विध्वंस घडवला आहे. गेल्या ४८ तासांत ३०० हून अधिक लोकांचा मृत्यू झाला आहे. स्थानिक माध्यमांच्या माहितीनुसार मृतांचा आकडा ३०७ वर पोहोचला आहे. प्रांतीय आपत्ती व्यवस्थापन प्राधिकरण (पीडीएमए) च्या माहितीनुसार, शनिवारी खैबर पख्तूनख्वा प्रांतात मृतांची संख्या ३०७ झाली. यात गिलगिट-बाल्टिस्तानमध्ये १२ आणि पाकिस्तान अधिकृत काश्मीरमध्ये (पीओके)९ लोकांचा मृत्यू समाविष्ट आहे.
शुक्रवारी झालेला मुसळधार पाऊस सर्वाधिक घातक ठरला. अनेक जिल्ह्यांमध्ये ढगफुटी व पुरामुळे एकाच दिवशी २०० हून अधिक लोकांचा जीव गेला. मृतांमध्ये प्रांतीय सरकारच्या हेलिकॉप्टरवरील पाच चालक दलाचे सदस्यही होते. हे हेलिकॉप्टर मदत व बचाव कार्यादरम्यान मोहम्मंद जिल्ह्यात कोसळले.
हेही वाचा..
राष्ट्रपती भवनातील अमृत उद्यानात नवे आकर्षण काय ?
गोदामाला लागलेल्या आगीत दोन ठार
भाजपाचे चलो धर्मस्थळ अभियान काय आहे?
गंगेचे पाणी धोक्याच्या पातळीबाहेर !
जिलानिहाय स्थिती : बुनेर हा सर्वाधिक प्रभावित जिल्हा ठरला. शांगला – ३६ मृत्यू, मनसेहरा – २३ , स्वात – २२, बाजौर – २१, बट्टाग्राम – १५, खालचा दीर –५, अबोटाबाद – एका मुलाचा मृत्यू. पूरामुळे ११ घरे पूर्णपणे उद्ध्वस्त झाली तर ६३ घरे नुकसानग्रस्त झाली आहेत. स्वात व शांगला येथील शासकीय शाळादेखील बाधित झाल्या आहेत. बुनेरचे जिल्हाधिकारी काशिफ कयूम खान यांच्या मते, चगरजई तहसीलमध्ये ३० लोक बेपत्ता आहेत तर १०० हून अधिक जखमी झाले आहेत. बचाव पथके हरवलेल्यांचा शोध घेत आहेत.
खैबर पख्तूनख्वा सरकारने बुनेर, बाजौर, स्वात, शांगला, मनसेहरा व बट्टाग्राम या गंभीर प्रभावित जिल्ह्यांना आपत्तीग्रस्त क्षेत्र घोषित केले आहे. सुमारे २,००० बचाव कर्मचारी नऊ जिल्ह्यांमध्ये मदतकार्य व मृतदेह बाहेर काढण्याच्या मोहिमेत गुंतले आहेत. मात्र मुसळधार पाऊस, भूस्खलन व रस्ते वाहून गेल्यामुळे जड यंत्रणा व रुग्णवाहिका घटनास्थळी पोहोचवण्यात अडचणी येत आहेत.
