कब्रस्तानच्या जमिनीवर बांधली मशीद; ‘वक्फ’ दर्जासाठी दिले खोटे पुरावे

उत्तर प्रदेशातील संभल जिल्ह्यामधील एक मशीद कब्रस्तान म्हणून वापरण्यासाठी नियुक्त केलेल्या जागेवर बांधण्यात आल्याचे एका सर्वेक्षणात आढळून आल्यानंतर ती चौकशीच्या भोवऱ्यात सापडली आहे. १९ जून २०२३ रोजी उत्तर प्रदेश सुन्नी सेंट्रल बोर्डाकडे नोंदणीकृत असलेल्या संभल मशिदीच्या व्यवस्थापन समितीच्या सात सदस्यांविरुद्ध गुन्हा दाखल करण्यात आला आहे. संभल तहसीलचे लेखपाल खबर हुसेन यांनी सांगितले की, कासेरुआ गावातील एका भूखंडाच्या सर्वेक्षणात महसूल नोंदींमध्ये कब्रस्तान म्हणून नोंदवलेल्या क्षेत्रात एक मशीद असल्याचे आढळून आले.

लेखपाल हुसेन यांच्या तक्रारीवरून, मशीद समितीच्या सदस्यांविरुद्ध- झाकीर हुसेन, तस्लीम, भूरे अली, शरफुद्दीन, दिल शरीफ, मोहबाद अली आणि नन्हे यांच्याविरुद्ध गुन्हा दाखल करण्यात आला. मशीद व्यवस्थापनाने केंद्रीय वक्फ बोर्डापासून जमीन कब्रस्तान म्हणून घोषित केल्याचे लपवून ठेवले आणि मालमत्ता वक्फ म्हणून घोषित करण्यासाठी खोटे पुरावे सादर केले, असा आरोपही करण्यात आला आहे.

रविवारी दाखल केलेल्या तक्रारीनुसार, मशीद समितीने सुन्नी सेंट्रल वक्फ बोर्डाला खोटी माहिती सादर केल्याचा आरोप आहे. मशीद पॅनेलने बोर्डाला सादर केलेल्या कागदपत्रांमधून जमिनीच्या कब्रस्तान म्हणून नियुक्तीची माहिती वगळण्यात आली. हा गुन्हा बीएनएसच्या कलम ३२९(३) (गुन्हेगारी अतिक्रमण आणि घरात घुसखोरी) आणि सार्वजनिक मालमत्तेचे नुकसान प्रतिबंधक कायदा, १९८४ अंतर्गत नोंदवण्यात आला आहे.

हे ही वाचा:

ट्रम्प यांच्या टॅरिफविरोधात युरोपियन संघ सार्वभौमत्वाचे अस्त्र वापरणार

बलुचिस्तानातील ४० मशिदी पाडणाऱ्या पाकने भारताला शहाणपणा शिकवू नये

“भारतात खेळा अन्यथा दुसऱ्या संघाला जागा द्या!”

खड्ड्यातल्या थंड पाण्यामुळे बुडालेल्या इंजिनियरला वाचवण्यात अपयश

उल्लेखनीय म्हणजे, संभल हे मशिदीशी संबंधित आणखी एका वादाचे केंद्रबिंदू ठरले आहे. शाही जामा मशीद- हरिहर मंदिर वाद. गेल्या वर्षी नोव्हेंबरमध्ये हिंदू पक्षाने दावा केला की, ही मशीद प्रत्यक्षात प्राचीन श्री हरिहर मंदिर आहे तेव्हा हा वाद अधिक तीव्र झाला. या दाव्यांनंतर, नोव्हेंबरमध्ये दोन टप्प्यात न्यायालयाच्या आदेशानुसार परिसरात सर्वेक्षण करण्यात आले.