शाही ईदगाह वादाची प्रकरणे एकत्रित करण्याच्या आदेशाविरुद्धचा मुस्लीम पक्षाचा रिकॉल अर्ज फेटाळला

मथुरेच्या श्री कृष्ण जन्मभूमी आणि शाही इदगाह मशीद वाद प्रकरणी मुस्लीम पक्षाच्या रिकॉल याचिकेवर अलाहाबाद उच्च न्यायालयाने महत्त्वाचा निर्णय दिला आहे. अलाहाबाद उच्च न्यायालयाने कृष्णजन्मभूमी- शाही ईदगाह वादाशी संबंधित १५ प्रकरणे एकत्रित करण्याच्या त्यांच्या जानेवारी २०२४ च्या आदेशाविरुद्ध दाखल केलेला रिकॉल अर्ज फेटाळला आहे. मुस्लीम पक्षाच्या वतीने हा अर्ज दाखल करण्यात आला होता. नुकतीच न्यायालयाने या प्रकरणाची सुनावणी पूर्ण करून निर्णय राखून ठेवला होता.

अलाहाबाद उच्च न्यायालयाने मुस्लीम बाजूने दाखल केलेल्या अर्जावर गेल्या आठवड्यात आपला निर्णय राखून ठेवला होता, ज्यामध्ये ११ जानेवारी २०२४ चा न्यायालयाचा आदेश मागे घेण्याची विनंती करण्यात आली होती. या आदेशात उच्च न्यायालयाने हिंदू बाजूने दाखल केलेल्या खटल्याशी संबंधित सर्व खटले एकत्र केले होते. या निर्णयाविरोधात मुस्लीम पक्षाने याचिका दाखल केली होती.

शाही इदगाह मशीद समितीने नुकताच उच्च न्यायालयात याचिका दाखल करून या वर्षीच्या ११ जानेवारीच्या आदेशाला आव्हान दिले होते, ज्यामध्ये न्यायालयाने हिंदू बाजूने दाखल केलेल्या सर्व खटल्यांची एकत्रित सुनावणी करण्याचा निर्णय दिला होता. सर्व प्रकरणांमध्ये स्वतंत्र मागण्या करण्यात आल्या आहेत, त्यामुळे त्यांची एकत्रित सुनावणी करू नये, असे मशीद समितीच्या वतीने सांगण्यात आले. खटल्यांच्या देखभालक्षमतेच्या मुद्द्यावर उच्च न्यायालयाचा निर्णय १ ऑगस्ट रोजी आला, ज्यामध्ये मुस्लीम बाजूचा आक्षेप फेटाळून हिंदू बाजूच्या खटल्यांची सुनावणी सुरू करण्याचे आदेश देण्यात आले. तर उच्च न्यायालयाने ११ जानेवारीलाच एकाच वेळी पंधरा प्रकरणांची सुनावणी घेण्याचे आदेश दिले होते.

हे ही वाचा : 

टीएमसी खासदाराचा मुस्लीम मतांसाठी किती आटापिटा?

उबाठा-संभाजी ब्रिगेडमध्ये तुटेपर्यंत ताणले गेले! युती समाप्त

“महिना १०० कोटी खंडणीचे १०० सुलभ मार्ग” असे प्रकरण अनिल देशमुखांच्या पुस्तकात असेल का?

बारामती मधून अजित पवार, येवल्यातून भुजबळ, परळीतून मुंडे तर कागलमधून हसन मुश्रीफ!

मथुरेतील श्रीकृष्णजन्मभूमीचा वाद अनेक दशके जुना आहे. मथुरेचा हा वाद एकूण १३.३७ एकर जमिनीच्या मालकीशी संबंधित आहे. १२ ऑक्टोबर १९६८ रोजी श्री कृष्ण जन्मस्थान सेवा संस्थानने शाही मशीद इदगाह ट्रस्टशी करार केला. या करारात या जागेवर मंदिर आणि मशीद दोन्ही बांधण्याची चर्चा होती. विशेष म्हणजे, श्रीकृष्ण जन्मस्थानकडे १०.९ एकर जमिनीचा मालकी हक्क आहे तर शाही इदगाह मशिदीकडे अडीच एकर जमिनीचा मालकी हक्क आहे. हिंदू बाजूने शाही इदगाह मशिदीचे वर्णन बेकायदेशीरपणे कब्जा करून बांधलेली रचना आहे आणि या जमिनीवर दावाही केला आहे. शाही ईदगाह मशीद हटवून ही जमीन श्रीकृष्ण जन्मभूमीला देण्याची मागणी हिंदूंकडून होत आहे. असा दावा केला जातो की, औरंगजेबाने श्रीकृष्णाच्या जन्मस्थानावर बांधलेले प्राचीन केशवनाथ मंदिर नष्ट केले आणि त्याच ठिकाणी १६६९- ७० मध्ये शाही ईदगाह मशीद बांधली. यानंतर १७७० मध्ये गोवर्धन येथे मुघल आणि मराठ्यांमध्ये युद्ध झाले. या युद्धात मराठ्यांचा विजय झाला. विजयानंतर मराठ्यांनी पुन्हा मंदिर बांधले. १९३५ मध्ये अलाहाबाद उच्च न्यायालयाने बनारसचे राजा कृष्ण दास यांना १३.३७ एकर जमीन दिली. १९५१ मध्ये श्री कृष्ण जन्मभूमी ट्रस्टने ही जमीन संपादित केली.