कडीपत्ता लावून केलेला फोडणीचा तडका जेवणाला चवदार बनवतोच, शिवाय शरीराला अनेक रोगांपासूनही संरक्षण देतो. वैज्ञानिक संशोधन आणि आयुर्वेद दोन्ही करीपत्त्याचे फायदे अधोरेखित करतात. आयुर्वेदात करीपत्त्याला ‘कृष्णनिंब’ असे म्हटले जाते. आयुर्वेदाबरोबरच सिद्ध आणि युनानी वैद्यक पद्धतीतही याचा वापर शतकानुशतके पचन, नेत्ररोग आणि त्वचेच्या तक्रारींवर केला जातो. अमेरिकन नॅशनल लायब्ररी ऑफ मेडिसिननुसार, करीपत्त्यात कार्बाझोल अल्कलॉइड्स, जीवनसत्त्वे आणि अँटिऑक्सिडंट्स असे घटक आढळतात, जे शरीराला विविध आजारांपासून दूर ठेवतात.
मधुमेहाच्या रुग्णांसाठी हे पान जणू एखादे वरदानच आहे. वैज्ञानिकांच्या मते, करीपत्ता शरीरातील इन्सुलिनची कार्यक्षमता सुधारतो, त्यामुळे रक्तातील साखरेची पातळी नियंत्रणात राहते. म्हणूनच आयुर्वेदिक चिकित्सक याला ‘नैसर्गिक इन्सुलिन बूस्टर’ मानतात. तसेच, यकृताचे आरोग्य टिकवण्यातही याचा मोठा वाटा आहे. करीपत्त्यातील अँटिऑक्सिडंट्स आणि डिटॉक्सिफायिंग घटक यकृतातील विषारी पदार्थ साफ करण्यात मदत करतात.
हेही वाचा..
भूस्खलनानं संपूर्ण गाव उद्ध्वस्त, १००० लोकांचा मृत्यू, केवळ एक जीवित!
महिलाच आहेत विकसित भारताचा आधार
बलात्काराच्या आरोपातील ‘आप’ आमदार पोलिसांवर गोळीबार करून कोठडीतून फरार!
मुस्लीम संघटनांपुढे ममता सरकार झुकले, जावेद अख्तर यांचा कार्यक्रम रद्द!
केस गळणे आणि अकाली पांढरे होणे ही आजकालची सामान्य समस्या आहे. करीपत्ता नारळाच्या तेलात उकळून केसांना लावल्यास ही समस्या बरीच कमी होते. हे केसांच्या मुळांना पोषण देते आणि त्यांना मजबूत बनवते. पूर्वी गावाकडे हा उपाय मोठ्या प्रमाणात केला जायचा, ज्याची आता वैज्ञानिकदृष्ट्याही पुष्टी झाली आहे. पचन सुधारण्यातही करीपत्ता उपयुक्त आहे. याचे नियमित सेवन गॅस, बद्धकोष्ठता आणि आम्लपित्त यांसारख्या समस्यांपासून आराम देते. हा नैसर्गिक अँटॅसिड असून पोटाला शीतलता देतो आणि पचनक्रिया सुधारतो. विशेष म्हणजे यात लोह आणि फॉलिक अॅसिड दोन्ही घटक असतात. फॉलिक अॅसिड शरीराला लोह शोषून घेण्यास मदत करते, त्यामुळे अॅनिमियाचा धोका टळतो.
डोळ्यांच्या आरोग्यासाठीही करीपत्ता फायदेशीर आहे. यात जीवनसत्त्व ‘अ’ मुबलक प्रमाणात असून ते दृष्टी टिकवून ठेवण्यास मदत करते. प्राचीन ग्रंथांमध्ये याला ‘चक्षुष्’ म्हणजे नेत्रांसाठी लाभदायक औषध म्हटले आहे. करीपत्त्यातील आवश्यक तेलं ताण कमी करण्यास, मनःस्थिती सुधारण्यास आणि मानसिक शांती देण्यास सहाय्य करतात.
