रेल्वे मंत्री अश्विनी वैष्णव यांनी सोमवारी नवरात्रीच्या पावन अवसरावर बिहारला सात नवीन गाड्यांची भेट दिली आहे. यामध्ये तीन अमृत भारत एक्सप्रेस गाड्या – मुजफ्फरपूर–चरलापल्ली जंक्शन, दरभंगा–मदार जंक्शन आणि छपरा–आनंद विहार टर्मिनल यांचा समावेश आहे. मुजफ्फरपूरला नवी अमृत भारत ट्रेन मिळाल्याने प्रवाश्यांमध्ये आनंद व उत्साह दिसून आला. नवीन ट्रेन मिळाल्याबद्दल प्रवाशांनी पंतप्रधान नरेंद्र मोदी आणि सरकारचे आभार मानले.
एका प्रवाशाने सांगितले, “नवीन ट्रेन मिळाल्याने आम्ही खूप खुश आहोत. या ट्रेनमध्ये अनेक सुविधा आहेत, ज्यामुळे प्रवास सोयीस्कर होईल. एका महिला प्रवाशिनी म्हणाल्या, “मी पटना जात आहे आणि या नव्या ट्रेन सुरू झाल्याने आम्हाला खूप फायदा होणार आहे. आधी पटना पोहोचण्यासाठी खूप अडचणी यायच्या. मात्र आता दिलासा मिळेल. मला कळले आहे की ही ट्रेन पटना पोहोचण्यासाठी कमी वेळ घेईल.”
हेही वाचा..
पीओकेमध्ये पाक सरकार विरोधात निदर्शने
वैश्विक दूध उत्पादनात भारत अव्वल
काँग्रेसने ललित नारायण मिश्रा यांची हत्या घडवून आणली का?
५० हून अधिक हिंदूंचे धर्मांतर करणाऱ्याला लखनौमधून ठोकल्या बेड्या
दुसऱ्या प्रवाशाने सांगितले की, “मी या ट्रेनने पाटलिपुत्रचा प्रवास करत आहे. मला वाटते ही नवीन ट्रेन प्रवाश्यांसाठी खूप आरामदायी ठरेल. तर आणखी एका प्रवाशाने अमृत भारत ट्रेनमधील सफर आनंदाचा क्षण असल्याचे सांगितले. त्यांनी म्हटले, “या ट्रेनचा लुक छान आहे आणि ही ट्रेन आधुनिक सुविधांनी सज्ज आहे. मुजफ्फरपूरहून हैदराबादसाठी थेट ट्रेन मिळाल्याने प्रवाशांना मोठा लाभ होईल.”
रेल्वे मंत्र्यांनी मुजफ्फरपूर–चरलापल्ली जंक्शन, दरभंगा–मदार जंक्शन आणि छपरा–आनंद विहार टर्मिनल दरम्यान तीन नवीन अमृत भारत गाड्या सुरू केल्या आहेत. त्याशिवाय, चार पॅसेंजर गाड्याही आजपासून सुरू करण्यात आल्या आहेत. या प्रसंगी रेल्वे मंत्री अश्विनी वैष्णव यांनी छठ पूजेसाठी विशेष गाड्यांची घोषणा केली. त्यांनी सांगितले, “पंतप्रधान नरेंद्र मोदी यांच्या मार्गदर्शनाखाली छठ पूजेदरम्यान बिहारसाठी १२,००० विशेष गाड्या चालवण्याचा निर्णय घेण्यात आला आहे. याशिवाय, १५० गाड्या राखीव ठेवण्यात येतील, ज्यांना गरज पडल्यास चालवण्यात येईल.”
