पुणे पोर्शे गाडीच्या अपघातामध्ये सहभागी १७ वर्षीय अल्पवयीन मुलाने अपघातावेळी त्यांचा कौटुंबिक चालक गाडी चालवत होता, असा दावा केला आहे. अल्पवयीन मुलाचे दोन मित्र, जे अपघातावेळी त्यांच्या सोबत होते, त्यांनीही या दाव्याचे समर्थन केले आहे. पोर्शे गाडीच्या अपघातात दोन मुलांचा जीव गेला होता.
ज्या कौटुंबिक चालकाने गाडी चालवल्याचे सांगितले जात होते, त्याची पोलिसांनी गुरुवारी पुन्हा चौकशी केली. या कौटुंबिक चालकाने पहिल्यांदा दावा केला आहे की, अपघातावेळी तो पोर्शे चालवत होता. अल्पवयीन मुलाचा पिता विशाल अग्रवालने हेही सांगितले की, त्यांनी नियुक्त केलेला चालकच पोर्शे चालवत होता. ही पोर्शे गाडी अग्रवाल कुटुंबाच्या कंपनीच्या नावावर आहे. त्यानंतर या कंपनीच्या मालकांपैकी एक असलेले मुलाचे आजोबा यांचीही चौकशी करण्यात आली.
हे ही वाचा:
‘देशभक्त मनोज तिवारींच्या विरुद्ध तुकडे-तुकडे गँगचा लीडर कन्हैया कुमार’
चाय-बिस्कुटांनो आता तरी विश्वास ठेवाल?
राहुल गांधी यांनी जातीच्या आधारावर केलेल्या विधानाने न्यायव्यवस्थेला ओढले!
“काँग्रेसला दिलेलं मत व्यर्थ; सात जन्मातही सत्ता येणार नाही”
रस्त्यांवरील सीसीटीव्ही फुटेजवरून तपास सुरू
पोलिसांनी अल्पवयीन मुलाच्या पित्याला ताब्यात घेण्याची मागणी बुधवारी केली. त्यावेळी अल्पवयीन मुलाला गाडी चालवायची होती. याबाबत चालकाने अल्पवयीन मुलाच्या पित्याला फोन करून सांगितल्यानंतर पित्याने चालकाला अल्पवयीन मुलाला गाडी देण्यास सांगितले, असे पोलिसांनी न्यायालयात सांगितले. या दरम्यान गाडी ज्या मार्गावरून गेली, त्या संपूर्ण रस्त्याच्या सीसीटीव्ही फुटेजची तपासणी पोलिसांकडून सुरू आहे.
फॉरेन्सिक टीमने केली गाडीची तपासणी
फॉरेन्सिक टीमने गाडीच तपासणी केली. याआधीच घटनास्थळाची फॉरेन्सिक चाचणी झाली आहे. जीपीएस, गाडीच्या आसपासचे कॅमेरे आदी तांत्रिक बाबींची तपासणी करण्यात आल्याचे पोलिसांनी सांगितले. पोलिसांनी मुलाच्या वडिलांचा फोन जप्त केला असून सध्या ते पोलिस कोठडीत आहेत. पुणे गुन्हे शाखेचे पोलिस अल्पवयीन मुलाच्या आजोबांचीही चौकशी करत आहेत.
