मुलुंडमध्ये मेट्रो बांधकामाचा स्लॅब कोसळून एकाचा मृत्यू

मुंबईतील मुलुंडमध्ये बांधकाम सुरू असलेल्या मेट्रोच्या बांधकामाचा स्लॅब कोसळल्याची धक्कादायक घटना समोर आली आहे. शनिवार, १४ फेब्रुवारी रोजी अचानक एक मोठा भाग खाली पडला यामुळे परिसरात भीतीचे वातावरण निर्माण झाले आहे. मेट्रोचा स्लॅब कोसळून झालेल्या अपघातात ऑटोरिक्षा आणि एका कारचा काही भाग ढिगाऱ्याखाली चिरडला गेला.

मुलुंड येथील जॉन्सन अँड जॉन्सन कारखान्यासमोरील एलबीएस रोडवर दुपारी १२:२० च्या सुमारास ही घटना घडली. बांधकामादरम्यान सिमेंटच्या रचनेचा एक भाग खाली कोसळला आणि थेट चालत्या ऑटोरिक्षावर पडला. रिक्षातील एका प्रवाशाचा यात दुर्दैवी मृत्यू झाला असून आणखी चार जण जखमी असल्याची माहिती समोर आली आहे.

हे ही वाचा:

ऑनलाइन बेटिंग रॅकेटचा पर्दाफाश; दिल्लीतील शाळांना बॉम्बच्या धमक्यांबाबतचेही मिळाले पुरावे

पंतप्रधान मोदींचे C- 130 विमान हायवे इमर्जन्सी लँडिंग फॅसिलिटीवर उतरले

“शेतकऱ्यांना भडकवण्यासाठी राहुल गांधींचे खोटे कथानक”

मुलांचे अपहरण झाल्याच्या अफवेवरून झारखंडमध्ये पाच साधूंना मारहाण

“खांबाचा एक सिमेंट स्लॅब कोसळला आणि खाली असलेल्या ऑटोरिक्षावर पडला, ज्यामुळे तीन चाकी वाहन पूर्णपणे चिरडले गेले. तीन ते चार जण जखमी झाल्याची भीती आहे. अग्निशमन दल आणि पोलिस कर्मचारी तसेच मेट्रो रेल्वे मार्ग (लाइन ४) बांधणाऱ्या कंपनीचे कर्मचारी घटनेनंतरच्या कामांवर लक्ष ठेवण्यासाठी घटनास्थळी आहेत,” असे अधिकाऱ्यांनी सांगितले. मुंबई अग्निशमन दलाच्या सूचनांनंतर, अनेक एजन्सी घटनास्थळी दाखल झाल्या. अग्निशमन दलाचे कर्मचारी, स्थानिक पोलिस, मेट्रो अधिकारी, वॉर्ड कर्मचारी आणि १०८ रुग्णवाहिका सेवेला बचाव आणि मदत कार्य करण्यासाठी तैनात करण्यात आले आहे. जखमींना तातडीने वैद्यकीय मदत देण्यात आली आणि पुढील उपचारांसाठी जवळच्या रुग्णालयात हलविण्यात आले.