इंस्टाग्रामवर मोदी जगात नंबर वन, १० कोटी फॉलोअर्स

पंतप्रधान नरेंद्र मोदी हे सोशल मीडियावर चांगलेच चर्चेत असून ते जगभरात लोकप्रिय आहेत. पंतप्रधान नरेंद्र मोदींचा डंका जगभरात वाजत असताना त्यांनी इन्स्टाग्रामवर १० कोटी फॉलोअर्सचा टप्पा गाठून जागतिक विक्रम प्रस्थापित केला आहे. इन्स्टाग्रामवर १० कोटी फॉलोअर्सचा टप्पा गाठणारे ते पहिले जागतिक राजकीय नेते ठरले आहेत. नरेंद्र मोदी यांची लोकप्रियता सोशल मीडियावर देखील वाढली असल्याचे यातून दिसून येते.

पंतप्रधान नरेंद्र मोदी यांनी गुरुवार, २६ फेब्रुवारी रोजी इंस्टाग्रामवर १० कोटी (१०० दशलक्ष) फॉलोअर्सचा ऐतिहासिक टप्पा ओलांडला आणि या प्लॅटफॉर्मवर ही कामगिरी करणारे ते पहिले जागतिक नेते आणि राजकारणी बनले. पंतप्रधान मोदी २०१४ मध्ये इंस्टाग्रामवर सामील झाले. त्यांचे इंस्टाग्रामवर अमेरिकेचे अध्यक्ष डोनाल्ड ट्रम्प यांच्यापेक्षा दुप्पट फॉलोअर्स आहेत. पुढील पाच प्रमुख जागतिक नेत्यांच्या एकूण फॉलोअर्सची संख्या पंतप्रधान मोदींच्या वैयक्तिक फॉलोअर्सच्या संख्येपेक्षा कमी आहे.

अमेरिकेचे राष्ट्राध्यक्ष डोनाल्ड ट्रम्प ४३.२ दशलक्ष फॉलोअर्ससह दुसऱ्या क्रमांकावर आहेत. त्यांच्यानंतर इंडोनेशियाचे राष्ट्राध्यक्ष प्रबोवो सुबियांतो १५ दशलक्ष फॉलोअर्ससह, ब्राझीलचे राष्ट्राध्यक्ष लुला १४.४ दशलक्ष फॉलोअर्ससह, तुर्कीचे राष्ट्राध्यक्ष एर्दोगान ११.६ दशलक्ष फॉलोअर्ससह आणि अर्जेंटिनाचे राष्ट्राध्यक्ष जेवियर मायली ६.४ दशलक्ष फॉलोअर्ससह दुसऱ्या क्रमांकावर आहेत. पंतप्रधान इंस्टाग्रामवर इतर भारतीय राजकीय नेत्यांपेक्षाही बरेच पुढे आहेत.

हे ही वाचा:

येस बँकवर आरबीआयची करडी नजर

न्यायालयीन भ्रष्टाचारावर धडा असलेली सर्व पुस्तके मागे घ्या!

“कॅनडामधील हिंसक गुन्ह्यांशी भारताचा संबंध नाही”

“आताही आणि पुढेही भारत पूर्ण विश्वासाने इस्रायलसोबत”

सध्या पंतप्रधान मोदी दोन दिवसांच्या इस्रायल दौऱ्यावर आहेत. इस्रायली संसदेने बुधवारी पंतप्रधान नरेंद्र मोदी यांना “स्पीकर ऑफ द नेसेट मेडल” प्रदान केले. हा नेसेटचा सर्वोच्च सन्मान आहे. भारत आणि इस्रायलमधील धोरणात्मक संबंध मजबूत करण्यासाठी पंतप्रधान मोदी यांनी त्यांच्या वैयक्तिक नेतृत्वाद्वारे दिलेल्या अपवादात्मक योगदानाबद्दल हा पुरस्कार प्रदान करण्यात आला. इस्रायली संसदेत पंतप्रधान मोदींच्या भाषणानंतर हे पदक प्रदान करण्यात आले. भाषणानंतर, पंतप्रधान मोदींनी इस्रायली संसदेच्या, नेसेटच्या सदस्यांशी संवाद साधला. खासदारांनी पंतप्रधान मोदींसोबत सेल्फी आणि फोटो काढले. पंतप्रधान मोदींच्या भाषणादरम्यान उभे राहून कौतुकाचा वर्षाव झाला आणि टाळ्यांचा कडकडाटही झाला.