पंतप्रधान नरेंद्र मोदी यांनी मुंबईतील मरोळ येथे अल जामिया-तुस-सैफियाह अर्थात सैफ अकादमी च्या नवीन संकुलाचे उद्घाटन केले. यावेळी पंतप्रधान म्हणाले, दाऊदी बोहरा समाजाशी माझे नाते फार जुने आहे. कोणताही समाज, समाज, संघटना काळानुरूप त्याची प्रासंगिकता किती टिकवून ठेवते यावरून त्याची ओळख होते. काळानुसार बदल आणि विकासाच्या या कसोटीवर दाऊदी बोहरा समाजाने नेहमीच स्वतःला सिद्ध केले आहे. अल जामिया-तुस-सैफिया हे शिक्षणाचे महत्त्वाचे ठिकाण हे त्याचे जिवंत उदाहरण आहे, अशा शब्दात पंतप्रधांनी बोहरी समाजाच्या योगदानाचे मुक्तकंठाने कौतुक केले .
पंतप्रधान नरेंद्र मोदी शुक्रवारी वंदे भारत ट्रेनला हिरवा झेंडा दाखवल्यानंतर मुंबईतील मरोळ भागात दाऊदी बोहरा समुदायाच्या कार्यक्रमात सहभागी झाले. पोहोचले. यावेळी पंतप्रधानांच्याहस्ते अल जामिया-तुस-सैफियाहच्या (सैफ अकादमी) संकुलाचे उद्घाटन करण्यात आले. यावेळी दाऊदी बोहरा समुदायाच्या प्रमुखाने पंतप्रधान मोदींचे जोरदार स्वागत केले. अल्जामिया-तुस-सैफियाह ही दाऊदी बोहरा समाजाची ही प्रमुख शैक्षणिक संस्था आहे.
पंतप्रधान मोदी आपल्या भाषणात पुढे म्हणाले की , मुंबई शाखा सुरू केल्याबद्दल मी तुमचे अभिनंदन करतो. हे स्वप्न दीडशे वर्षांनंतर पूर्ण झाले आहे. संस्थेशी संबंधित सर्वांचे मी अभिनंदन करतो. दाऊदी बोहरा समाजाचे आणि माझे खूप जुने नाते आहे. जगात कुठेही गेलो तरी प्रेमाचा वर्षाव होत राहतो. काळानुसार बदल आणि विकासाच्या या कसोटीवर दाऊदी बोहरा समाजाने नेहमीच स्वतःला सिद्ध केले आहे. शिक्षण क्षेत्रात बोहरा समाजाची भूमिका महत्त्वाची आहे. बोहरा समाज स्त्री शिक्षणाच्या क्षेत्रात पुढे आहे.प्रत्येक वेळी बोहरा समाजाला भेटून आनंद होतो अशा भावना पंतप्रधांनी व्यक्त केल्या.
बोहरा समाजाबरोबरच्या जुन्या आठवणी जागवण्यात काही काळ रमून गेलेले पंतप्रधान म्हणाले, मी देशातच नाही तर परदेशातही कुठेतरी जातो, माझे बोहरा बंधू-भगिनी मला भेटायला नक्कीच येतात. ते जगाच्या कोणत्याही कोपऱ्यात असले तरी, ते कोणत्याही देशात असले तरी त्यांच्या मनात भारताबद्दलची काळजी आणि भारताविषयीचे प्रेम नेहमीच दिसून येते. गुजरातमध्ये आम्ही एकमेकांना खूप जवळून पाहिले आहे. मला खूप ऊर्जा मिळते. गुजरातचे प्रेम आजही कायम आहे.
हे ही वाचा:
काश्मीरमध्ये आढळला देशातील पहिला लिथियमचा साठा
करून गेले उद्धवराव आणि नाना पटोलेंचे नाव…
आदित्य ठाकरे पोपटपंची काय करता ?
इस्रोचे सर्वात लहान रॉकेट एसएसएल- डी २ अंतराळात झेपावले
सय्यदना साहिब यांना भेटलो तेव्हा ते वयाच्या ९९ व्या वर्षी मुलांना शिकवत आहेत, ही प्रेरणा देणारी गोष्ट आहे.
सय्यदना साहब यांनी मला विचारले होते की मी काय करू शकतो, तेव्हा मी गुजरातमधील जलसंकटाबद्दल सांगितले होते, जे बोहरा समाज सातत्याने सोडवत आहे. दाऊदी बोहरा समुदाय व्यवसायात यशस्वी झाला आहे असेही पंतप्रधान यावेळी म्हणाले.
मुख्यमंत्री, पंतप्रधान म्हणू नका, मी तुमच्या कुटुंबाचाच
बोहरा समाजाच्या कार्यक्रमात पंतप्रधान नरेंद्र मोदी आणि बोहरा समाज यांच्यातील ऋणानुबंध दर्शवणारी एक चित्रफीत दाखवण्यात आली. ही चित्रफीत बघितल्यानंतर पंतप्रधानांच्या भाषणाला सुरुवात झाली. बोहरा समाजाने अगत्याने दिलेल्या आमंत्रणाबद्दल पंतप्रधानांनी आनंद व्यक्त केला. पण पंतप्रधान भाषणात पुढे म्हणाले की, मला येथे आल्यावर कुटुंबात आल्यासारखे वाटत आहे. पण माझी एक तुमच्याकडे एक तक्रार आहे. मी मुख्यमंत्री नाही, पंतप्रधान नाही तर मी तुमच्या कुटुंबाचाच एक सदस्य आहे. त्यामुळे मुख्यमंत्री, पंतप्रधान या वाक्यात सुधारणा करा. बोहरा समाजाचा गेल्या चार पिढ्यांपासून मला श्वास मिळाला आहे. हे माझे भाग्य आहे. असे भाग्य फारच कमी लोकांना मिळते. त्यामुळे येथे आल्यानंतर माझा आनंद अनेक पटींनी वाढला आहे.
