पहिल्या मणिपूर दौऱ्यात मोदी कोणत्या घोषणा करणार?

पंतप्रधान नरेंद्र मोदी हे शनिवार, १३ सप्टेंबर रोजी मणिपूरला भेट देणार असल्याची माहिती समोर आली आहे. २०२३ मध्ये झालेल्या हिंसाचारानंतर हा पंतप्रधानांचा मणिपूरमध्ये पहिलाच दौरा आहे. मणिपूरचे मुख्य सचिव पुनीत कुमार गोयल यांनी घोषणा केली की पंतप्रधान नरेंद्र मोदी हे १३ सप्टेंबर रोजी ८,५०० कोटी रुपयांच्या विकास प्रकल्पांचे उद्घाटन करण्यासाठी येतील. पंतप्रधान मोदी प्रथम मिझोरामहून चुराचंदपूरला उतरतील आणि नंतर इम्फाळला जातील, असे त्यांनी सांगितले. “मणिपूरच्या समावेशक, शाश्वत विकासाच्या त्यांच्या वचनबद्धतेनुसार, पंतप्रधान चुराचंदपूर येथे ७,३०० कोटी रुपयांपेक्षा जास्त किंमतीच्या अनेक विकास प्रकल्पांची पायाभरणी करतील,” असे त्यांनी सांगितले. तसेच पंतप्रधानांचा मणिपूर दौरा राज्यात शांतता, सामान्यता आणि विकासाचा मार्ग मोकळा करेल, असेही ते पुढे म्हणाले.

पंतप्रधान नरेंद्र मोदी हे हिंसाचाराने सर्वाधिक प्रभावित झालेल्या चुराचंदपूर येथे ७,३०० कोटी रुपयांपेक्षा जास्त किंमतीच्या अनेक विकास प्रकल्पांची पायाभरणी करतील. पायाभरणी समारंभानंतर, पंतप्रधान मोदी राजधानी इंफाळ येथे १,२०० कोटींहून अधिक किंमतीच्या प्रकल्पांचे उद्घाटन करतील आणि त्यापूर्वी एका सार्वजनिक सभेला संबोधित करतील.

दिल्लीत चार बांगलादेशी घुसखोर ताब्यात!

मणिपूर व्यतिरिक्त, पंतप्रधान पश्चिम बंगाल आणि बिहारला जाण्यापूर्वी मिझोरम आणि आसामसह इतर ईशान्येकडील राज्यांनाही भेट देतील. उद्या, ते मिझोरममध्ये त्यांचा दौरा सुरू करतील, जिथे ते ऐझॉलमध्ये ९,००० कोटी रुपयांपेक्षा जास्त किंमतीच्या अनेक विकास प्रकल्पांची पायाभरणी आणि उद्घाटन करतील. त्यानंतर, ते मणिपूरला जातील. संध्याकाळी पंतप्रधान गुवाहाटी येथे भारतरत्न डॉ. भूपेन हजारिका यांच्या शताब्दी समारंभात सहभागी होण्यासाठी आसामला भेट देतील. १४ सप्टेंबर रोजी, पंतप्रधान पुन्हा एकदा आसाममध्ये १८,५३० कोटी रुपयांपेक्षा जास्त किंमतीच्या पायाभूत सुविधा आणि औद्योगिक विकास प्रकल्पांचे उद्घाटन आणि पायाभरणी करतील. तसेच ते कोलकाता येथे १६ व्या संयुक्त कमांडर्स कॉन्फरन्स- २०२५ चे उद्घाटन करण्यासाठी पश्चिम बंगालला जातील. त्यानंतर, पंतप्रधान बिहारला जातील, जिथे ते पूर्णिया विमानतळाच्या नवीन टर्मिनल इमारतीचे उद्घाटन करणार आहेत.