अहमदनगर येथे जिल्हा रुग्णालयात लागलेल्या आगीत अतिदक्षता विभागातील १० रुग्णांचा होरपळून मृत्यू झाल्याच्या घटनेबद्दल राष्ट्रपती रामनाथ कोविंद आणि पंतप्रधान नरेंद्र मोदी यांनी शोक व्यक्त केला आहे. महाराष्ट्र सरकारने या दुर्घटनेतील मृतांच्या कुटुंबियांना प्रत्येकी ५ लाखांची मदत जाहीर केली आहे.
राष्ट्रपती रामनाथ कोविंद यांनी या घटनेबद्दलच्या शोकसंदेशात म्हटले आहे की, अहमदनगर, महाराष्ट्रातील सिव्हिल रुग्णालयात लागलेल्या आगीत काही लोकांचा मृत्यू ओढवला. ही घटना अत्यंत हृदयद्रावक आहे. शोकाकुल कुटुंबियांबद्दल मी संवेदना व्यक्त करतो. त्यात जखमी झालेल्यांना तातडीने सर्वप्रकारची मदत मिळावी अशी मी अपेक्षा व्यक्त करतो.
अहमदनगर, महाराष्ट्र के सिविल अस्पताल में आग लगने से लोगों की मृत्यु का समाचार अत्यंत दुखद है। मैं शोकसंतप्त परिवारों के प्रति हार्दिक संवेदना व्यक्त करता हूं और दुर्घटना में घायल हुए लोगों के शीघ्र अति शीघ्र स्वस्थ होने की कामना करता हूं।
— President of India (@rashtrapatibhvn) November 6, 2021
पंतप्रधान नरेंद्र मोदी यांनी आपल्या ट्विटमध्ये म्हटले आहे की, महाराष्ट्रातील अहमदनगर येथील रुग्णालयात आग लागून अनेकांना आपले प्राण गमवावे लागले. त्या घटनेमुळे मी दुःखी आहे. शोकाकुल कुटुंबियांच्या दुःखात मी सहभागी आहे. जखमींना त्वरित उपचार मिळावेत, अशी मी अपेक्षा व्यक्त करतो.
महाराष्ट्रात अहमदनगरमध्ये रुग्णालयाला लागलेल्या आगीत झालेल्या जीवितहानीबद्दल दुःख झाले आहे. पीडितांच्या कुटुंबियांकडे शोकभावना व्यक्त करतो. जखमींच्या तब्येतीत लवकर सुधारणा होऊ दे.
— Narendra Modi (@narendramodi) November 6, 2021
गृहमंत्री अमित शहा यांनीही यासंदर्भात ट्विट करत घटनेची दखल घेतली आहे. त्यांनी म्हटले आहे की, या घटनेमुळे मी व्यथित आहे. दुःखाच्या या प्रसंगात मी त्या दुर्दैवी कुटुंबियांप्रती संवेदना व्यक्त करतो. या घटनेतील जखमींची प्रकृती लवकर बरी होवो, अशी मी इश्वराकडे प्रार्थना करतो.
हे ही वाचा:
सचिन वाझे १३ नोव्हेंबरपर्यंत कोठडीतच
अनिल देशमुखांना १४ दिवसांची न्यायालयीन कोठडी
बदल्यांचे रॅकेट चालवणारा राष्ट्रवादीचा कार्यकर्ता सुनील पाटीलच आर्यन खान प्रकरणातील मास्टरमाईंड
कच्च्या तेलापाठोपाठ आता खाद्य तेलही झाले स्वस्त
अहमदनगर येथील या जिल्हा रुग्णालयात लागलेल्या आगीत अतिदक्षता विभागातील १० जण होरपळून मृत्युमुखी पडले. ऐन दिवाळीत अशी घटना घडल्यामुळे महाराष्ट्रात हळहळ व्यक्त होत आहे. गेल्या काही महिन्यात अशा घटनांनी महाराष्ट्र हादरला आहे. प्रशासकीय पातळीवरील हेळसांड, दिरंगाई याची पुनरावृत्ती होत असल्यामुळे जनमानसात प्रचंड नाराजी आहे.
महाराष्ट्र के अहमदनगर के सिविल अस्पताल में आग लगने से हुई हृदयविदारक दुर्घटना से अत्यंत व्यथित हूँ। दुःख की इस घड़ी में मेरी संवेदनाएं शोक संतप्त परिवारों के साथ हैं व ईश्वर से घायलों के शीघ्र स्वस्थ होने की प्रार्थना करता हूँ।
— Amit Shah (@AmitShah) November 6, 2021
महाराष्ट्राचे विरोधी पक्षनेते देवेंद्र फडणवीस यांनीही या घटनेबद्दल शोक व्यक्त केला आहे. नगर येथे जिल्हा रूग्णालयात आयसीयू कक्षात लागलेल्या भीषण आगीची घटना अतिशय धक्कादायक आणि मनाला व्यथित करणारी आहे. या घटनेत मृत्यू झालेल्यांच्या कुटुंबीयांसोबत माझ्या शोकसंवेदना आहेत. त्यांच्या दु:खात मी सहभागी आहे. जखमींना लवकर बरे वाटावे, अशी मी प्रार्थना करतो, असे ट्विट फडणवीस यांनी केले आहे.
नगर येथे जिल्हा रूग्णालयात आयसीयू कक्षात लागलेल्या भीषण आगीची घटना अतिशय धक्कादायक आणि मनाला व्यथित करणारी आहे.
या घटनेत मृत्यू झालेल्यांच्या कुटुंबीयांसोबत माझ्या शोकसंवेदना आहेत. त्यांच्या दु:खात मी सहभागी आहे. जखमींना लवकर बरे वाटावे, अशी मी प्रार्थना करतो. #AhmednagarFire https://t.co/WEmRk4n18Y— Devendra Fadnavis (@Dev_Fadnavis) November 6, 2021
