आज महाकुंभचा १४ वा दिवस आहे. रविवार (२६ जानेवारी) असल्याने स्नानासाठी भाविकांची मोठी गर्दी होत आहे. संगमात स्नान करण्यासाठी भाविकांना दोन तास लांबच लांब रांगेत उभे राहावे लागल्याचे समोर आले आहे. सकाळी १० वाजेपर्यंत ३७ लाखांहून अधिक लोकांनी संगमात स्नान केले. संगम परिसरात सुमारे २० ते २५ लाख लोक आहेत, जे संगमात स्नान करण्याची वाट पाहत आहेत.
पोलिसांकडून आवाहन करण्यात येत आहे कि सर्व भाविकांनी इतर घाटांवर स्नान करावे. मोठ्या गर्दीत उभे राहून थांबू नका. भगवान हनुमानांचे दर्शन घेण्यासाठी एक लाख भक्त रांगेत उभे आहेत. कुंभमध्ये होणारी प्रचंड गर्दी पाहता प्रयागराजमध्ये बाहेरून येणारी वाहने १० ते १२ किमी दूर थांबवण्यात आली आहेत. तेथून येणारे भाविक रिक्षा, बसने येत आहेत.
हे ही वाचा :
मुंबई किनारी रस्त्याची उत्तर वाहिनी सोमवारपासून सेवेत
नागा साधूंना १५ मिनिटे दिली तर तुमचा इतिहास संपून जाईल!
टोरेस घोटाळा : सीईओ तौसीफ रियाझच खरा सूत्रधार, झाली अटक
भाविकांना ५ ते ६ किमी पायपीट करावी लागत आहे. प्रयागराज जंक्शन ते संगमपर्यंत वाहनांची वाहतूक बंद करण्यात आली आहे. प्रजासत्ताक दिनानिमित्त सुरक्षा व्यवस्था वाढवण्यात आली आहे. ठिकठिकाणी तपासणी सुरू आहे. दरम्यान, आतापर्यंत ११.४७ कोटींहून अधिक भाविकांनी महाकुंभात स्नान केल्याची माहिती आहे. समाजवादी पक्षाचे राष्ट्रीय अध्यक्ष अखिलेश यादव यांनी देखील आज संगमात स्नान केले. राज्यसभा खासदार प्रमोद तिवारी यांनी पवित्र संगमावर प्रार्थना केल्यानंतर श्रद्धेने स्नान केले.
भारताची बॉक्सर मेरी कोम देखील आज महाकुंभमध्ये सहभागी झाल्या. मला खूप आनंद झाला की मी या कुंभमेळ्याचा भाग होऊ शकले. व्यवस्था इतकी चांगली आहे की माझ्याकडे शब्दच नाहीत, असे मेरी कोम म्हणाल्या.
