मीराबाईचे अभिनंदन करून सलमान खान ट्रोल

हिंदी चित्रपटसृष्टीतील सुपरस्टार सलमान खान हा मीडिया, सोशल मीडियामध्ये चांगलाच चर्चेत असतो. तर अनेकदा तो ट्रोल होतानाही दिसतो. कधी त्याच्या चित्रपटांमुळे किंवा कधी त्याच्या एखाद्या सोशल पोस्टमुळे. सध्या पुन्हा एकदा सलमान खानचे सोशल मीडियावर ट्रोलींग होताना दिसत आहे आणि ते देखील ऑलिम्पिक पदक विजेत्या मीराबाई चानू हिला भेटल्यामुळे!

टोकियो ऑलिम्पिक २०२० मध्ये भारतीय खेळाडूंनी ऐतिहासिक कामगिरी करत या देशाची मान अभिमानाने उंचावली. त्यांच्या या कामगिरीसाठी देशभरातून त्यांच्यावर कौतुकाचा वर्षाव होत आहे. यामध्ये महिलांच्या वेटलिफ्टिंग या क्रीडा प्रकारात भारताचे प्रतिनिधित्व करणारी मीराबाई चानू हिने दमदार कामगिरी करत रौप्य पदक पटकावले. तिच्या या कामगिरीमुळे भारताचे ऑलिम्पिकमध्ये पदक क्रमवारीत खाते उघडले.

हे ही वाचा:

शिक्षणसम्राट मंत्र्यांसमोर मुख्यमंत्र्यांनी टेकले गुडघे

सरकार आहे की सर्कस?

राज्यसभेत काँग्रेस खासदारांचे प्रगल्भ, लोकशाहीवादी वर्तन

मोदी सरकार रोज १०० किमी रस्ते बांधणार

ऑलिम्पिकमध्ये यश मिळवून मीराबाई भारतात परतल्यानंतर अनेक जण मीराबाईला भेटून तिचे अभिनंदन केले. अशातच बुधवार, ११ ऑगस्ट रोजी बॉलीवूड अभिनेता सलमान खान हा मीराबाई चानू हिची भेट घेण्यासाठी गेला. यावेळी मीराबाई चानू हिने सलमान खानचे स्वागत केले. यावेळी मीराबाईने सलमानला अस्सल पारंपारिक अशी मणिपुरी स्कार्फ देऊ केला.

या स्कार्फवर काळवीटाचे चित्र होते. यावरूनच नेटकाऱ्यांनी सलमानला ट्रोल केले आहे. याला सलमान खानचा पूर्वाश्रमीच्या आयुष्याची पार्श्वभूमी आहे. सलमान खानच्या विरोधात काळवीट शिकार प्रकरणातील एकी खटला चालू आहे. सलमान या प्रकरणातील मुख्य आरोपी आहे. त्यामुळेच नेटकऱ्यांनी सलमान खानला ट्रोल केले आहे.