पाकिस्तानच्या तुरुंगात भारतीय नागरिक सरबजीत सिंगची हत्या करणारा अंडरवर्ल्ड डॉन अमीर सरफराजची हत्या करण्यात आली आहे.लाहोरमध्ये अज्ञात लोकांनी त्याची गोळ्या झाडून हत्या केली आहे. दरम्यान, अमीर सरफराजने भारतीय नागरिक सरबजीतची धारदार शस्त्रांनी हत्या केली होती. आयएसआयच्या सांगण्यावरून त्याने सरबजीतची हत्या केली होती.
पाकिस्तानी अंडरवर्ल्ड डॉन अमीर सरफराजची गोळी झाडून हत्या करण्यात आली आहे.मीडिया रिपोर्ट्सनुसार, अमीर सरफराज उर्फ तांबा आपल्या कारमधून बाहेर जात असताना अज्ञात लोकांनी त्याच्यावर गोळ्या झाडून हत्या केली.वास्तविक, भारतीय नागरिक सरबजीत सिंगचा २ मे २०१३ रोजी मृत्यू झाला होता. १९९१ साली लाहोर आणि फैसलाबाद येथे झालेल्या चार बॉम्बस्फोटांच्या आरोपावरून पाकिस्तानी न्यायालयाने सरबजीत सिंगला शिक्षा सुनावली होती.
हे ही वाचा:
गँगस्टर लॉरेन्स बिष्णोईचा भाऊ म्हणतो, मी झाडली सलमानच्या घरावर गोळी!
इंडी आघाडीचा जाहीरनामा देशाला दिवाळखोर बनवणारा
विम्याच्या पैशांसाठी फारुकने कुटुंबाच्या साथीने केली मानसिकदृष्ट्या विकलांगाची हत्या
बेंगळुरू स्फोटातील आरोपी अब्दुल ताहा बनला विघ्नेश आणि अनमोल कुलकर्णी
या स्फोटांमध्ये सुमारे १० जणांचा मृत्यू झाला होता. मार्च २००६ मध्ये पाकिस्तानच्या सर्वोच्च न्यायालयाने सरबजीतचा दयेचा अर्ज फेटाळला आणि त्याला सुनावण्यात आलेली फाशीची शिक्षा कायम ठेवली. यानंतर लाहोरच्या सेंट्रल जेलमध्ये काही कैद्यांनी सरबजीतवर हल्ला केला आणि पाच दिवसांनी त्याचा रुग्णालयात मृत्यू झाला.
दरम्यान, पंजाबमधील रहिवासी असलेला आणि शेतकरी कुटुंबात जन्मलेला सरबजीत सिंग हा चुकून सीमा ओलांडून पाकिस्तानात पोहोचला होता. ३० ऑगस्ट १९९० रोजी तो नकळत पाकिस्तानी सीमेवर पोहोचला, तेथून त्याला पाकिस्तानी लष्कराने अटक केली होती. त्यावेळी सरबजीतने चुकून सीमा ओलांडून पाकिस्तानात पोहोचल्याचा युक्तिवाद केला होता.
