अबब!! सावित्री जिंदाल यांच्याकडे ११ अब्ज डॉलरची संपत्ती

भारताच्या सावित्री जिंदाल आता आशियातील सर्वात श्रीमंत महिला ठरल्या आहेत. सावित्री जिंदालने चीनच्या यांग हुआनला हरवून हे विजेतेपद मिळवले आहे. यांग हुआन या गेल्या पाच वर्षांपासून आशियातील सर्वात श्रीमंत महिला आहेत. ती चीनमधील सर्वात मोठी रिअल इस्टेट डेव्हलपर कंट्री गार्डन होल्डिंग्ज नियंत्रित करते. मात्र, चीनमधील रिअल इस्टेट कंपन्यांवर सरकारने केलेल्या कारवाईचा परिणाम यांग हुआन यांच्या संपत्तीवरही दिसून आला आहे.

ब्लूमबर्ग अब्जाधीश निर्देशांकानुसार, यांग हुआन यांची संपत्ती गेल्या वर्षी सुमारे २४ अब्ज डॉलरवरून ११ अब्ज डॉलरवर आली आहे. जिंदाल समूहाच्या प्रमुख सावित्री जिंदाल यांची संपत्ती ११.३ अब्ज डॉलर आहे. ७२वर्षीय सावित्री यांच्या संपत्तीत केवळ २ वर्षांत १२ अब्ज डॉलरची वाढ झाली आहे. फोर्ब्सच्या मते, गेल्या काही वर्षांपासून ती सर्वात श्रीमंत भारतीय महिला म्हणून गणली जात आहे. भारतातील सर्वात श्रीमंत महिलांच्या यादीत तिच्यानंतर किरण मुझुमदार आणि कृष्णा गोदरेज यांचा क्रमांक लागतो.

आशियातील चीनच्या सर्वात श्रीमंत महिला चीनची यांग हुआन यांना पिछाडीवर टाकत भारताच्या सावित्री जिंदाल या आता आशियातील सर्वात श्रीमंत महिला बनल्या आहेत. ब्लूमबर्ग बिलेनियर इंडेक्सनुसार सावित्री जिंदाल यांच्याकडे ८९.५ हजार कोटी रुपयांची (११.३अब्ज डॉलर) संपत्ती असून दुसऱ्या क्रमाकांवर चीनच्या फॅन होंगवेई यांच्याकडे ११.३ अब्ज डॉलरची मालमत्ता आहे. होंगवेई या दुसऱ्या स्थानावर आहेत. २०२१ मध्ये दुसऱ्या क्रमांकावर असलेल्या यांग हुआन आता तिसऱ्या क्रमांकावर असून त्यांच्याकडे ८७.११ हजार कोटी रुपयांची (११ अब्ज डॉलर) संपत्ती आहे.

ब्लूमबर्गच्या जगातील अब्जाधीशांच्या यादीत सावित्री १६४ व्या क्रमांकावर पोहोचल्या आहेत. कोविडकाळात सावित्री जिंदाल यांच्या नेटवर्थमध्ये चढ-उतार झाला. कोरोनाच्या सुरुवातीस त्यांची संपत्ती घटून ३.२ अब्ज डॉलर राहिली होती. मात्र, एप्रिल २०२२ मध्ये रशिया-युक्रेन युद्धामुळे महागाई वाढल्याने त्यांची संपत्ती १५.६ अब्ज डॉलरजवळ पोहोचली होती. सावित्री जिंदाल, जिंदाल ग्रुपच्या अध्यक्ष आहेत. गौतम अदानी हे आशियातील सर्वात श्रीमंत व्यक्ती आहेत. त्यांच्याकडे ९.३५ लाख कोटी रुपयांची संपत्ती आहे.

हे ही वाचा:

“संजय राऊत यांच्यावर होत असलेल्या कारवाईने आनंद”

“आमची सकाळ खराब करणाऱ्यांची सकाळ खराब होत असताना पाहून समाधान वाटतंय”

संजय राऊत ईडीचणीत

तिस्ता सेटलवाड आणि श्रीकुमार यांना दिलासा नाहीच

ओपी जिंदल आणि सावित्री यांना नऊ अपत्य आहेत. त्यांना पृथ्वीराज जिंदल, सज्जन, रतन आणि नवीन अशी चार मुले आहेत. मोठा मुलगा पृथ्वीराज हा जिंदल सॉ कंपनीचा अध्यक्ष आहे. दुसरा मुलगा सज्जन जिंदलने खहर कंपनीची कमान हाती घेतली आहे. तिसरा मुलगा रतन कंपनीत संचालक पदावर आहे. तर कुटुंबातील सर्वात धाकटा मुलगा नवीन जिंदल हे ‘जिंदल स्टील’चे अध्यक्ष आहेत. यासोबतच ते खासदारही राहिले आहेत.

कोण आहेत सावित्री जिंदाल

सावित्री जिंदल या जिंदल ग्रुपच्या अध्यक्षा आहेत. ही कंपनी भारतातील स्टीलची तिसरी सर्वात मोठी उत्पादक असून सिमेंट, ऊर्जा आणि पायाभूत सुविधा क्षेत्रात कार्यरत आहे. सावित्री देवी यांचा जन्म १९५० मध्ये आसाममधील तिनसुकिया येथे झाला. १९७० मध्ये, त्यांनी जिंदल ग्रुपचे संस्थापक हरियाणाच्या ओमप्रकाश जिंदल यांच्याशी लग्न केले. २००५ मध्ये कंपनीची स्थापना करणारे त्यांचे पती ओपी जिंदाल यांचे निधन झाल्यानंतर त्या जिंदाल ग्रुपच्या अध्यक्षा झाल्या. त्यांचे हेलिकॉप्टर अपघातात निधन झाले. त्यांच्या पतीच्या नंतर मृत्यूनंतर तिने स्टीलचे उत्पादन पाहणाऱ्या आणि सिमेंट, ऊर्जा आणि पायाभूत सुविधांमध्ये काम करणाऱ्या समूहाचा ताबा घेतला.