PUBG मोबाइल या गेमिंग ऍपवर भेटलेल्या पुरुषासोबत राहण्यासाठी नेपाळमार्गे अवैधरित्या भारतात प्रवेश करणारी सीमा हैदरचा परिवार तिची वाट पाहत आहे. पती गुलाम हैदर याने व्हिडिओ बनवत मुलांसोबत पाकिस्तानात परत येण्याची मागणी केली आहे तसेच मोदी सरकारने या घटनेची दखल घेत यांना पाकिस्तानात पाठवावे, अशी सरकारला विनंती केली आहे. याची सुरुवात २०१९ मध्ये झाली.
सीमाचा पती कामासाठी सौदी अरेबियात गेल्यानंतर सीमाचा बराचसा वेळ पबजी खेळण्यातच जाऊ लागला. पबजी खेळताना सोशल मीडियाच्या माध्यमातून तिची ओळख सचिनशी झाली. त्यानंतर ते इन्स्टाग्राम आणि व्हॉट्सऍपवरही गप्पा मारू लागले. त्यानंतर त्यांच्यात प्रेमसंबंध निर्माण झाल्याने तिने तिच्या मुलांसह भारतात येण्याचा निर्णय घेतला.गेमिंग ऍप PUBG मोबाइलवर भेटलेल्या पुरुषासोबत राहण्यासाठी नेपाळमार्गे बेकायदेशीरपणे भारतात सीमा हैदर घुसली आणि राहू लागली मात्र तिचा पती गुलाम हैदर हा आता एकटा पडला आहे.
हे ही वाचा:
नीलम गोऱ्हे अंधारेंवर नाराज की उद्धव ठाकरेंवर
‘आदिपुरुष’ प्रकरणी मनोज मुंतशीरकडून जाहीर माफी!
सांताक्रूझच्या बड्या रुग्णालयात निवासी महिला डॉक्टरांचा लैगिंग छळ, सहकारी डॉक्टर विरोधात गुन्हा
त्याला त्याच्या मुलांची आठवण येत असून त्याला पत्नी आणि मुलांची चिंता वाटू लागली असल्याने सर्व प्रकरणे स्वतःच्या हातात घेण्याचे ठरवले आणि तो सध्या राहत असलेल्या सौदी अरेबियातून त्याने व्हिडिओ बनवत आवाहन जारी केले आहे. या व्हिडिओमध्ये त्याने आपल्या पत्नीला पाकिस्तानात परत पाठवण्याचे आवाहन मोदी सरकारला केले आहे. या व्हिडिओमध्ये गुलाम हैदर यांनी नरेंद्र मोदी सरकारला या प्रकरणात हस्तक्षेप करण्याची कळकळीची विनंती केली आहे. त्याची याचिका साधी आहे – त्याची पत्नी आणि मुलांना त्यांच्या मूळ देशात, पाकिस्तानला परत पाठवा अशी मागणी त्याने केली आहे.
आपल्या पत्नीला PUBG च्या माध्यमातून भारतात येण्याचे आमिष दाखवून फेरफार करण्यात आल्याचा आरोप देखील त्याने केला आहे.गुलाम हैदर यांनी नरेंद्र मोदी सरकारला त्याच्या पत्नी आणि मुलांना सुरक्षितपणे पाकिस्तानात परतण्यासाठी आवाहन केले, जिथे हे पुन्हा एकदा कुटुंब म्हणून एकत्र येऊ शकतील अशी आशा बाळगत त्याने ही विनंती भारत सरकारकडे केली आहे. तसेच गुलाम हैदर यांनी भारतीय माध्यमांचे त्यांच्या “अनपेक्षित पाठिंब्याबद्दल” आभार मानले आहे. त्यांच्या मदतीबद्दल मनापासून कृतज्ञ, त्यांनी जाहीरपणे त्यांचे कौतुक व्यक्त केले.
हात जोडून ते म्हणाले, “मी भारतीय माध्यमांशी हात जोडून कृतज्ञता व्यक्त करतो, ज्यांच्याद्वारे मला माझ्या पत्नी आणि मुलांचा ठावठिकाणा सापडला”, ते पुढे म्हणाले. त्यामुळे या प्रेम प्रकरणात मोदी सरकार हस्तक्षेप करेल का ते पाहावं लागेल. सीमा हैदरने गेमिंग ऍप PUBG Mobile वर दिल्लीजवळील ग्रेटर नोएडा येथील सचिन या व्यक्तीची भेट घेतली . ते प्रेमात पडले आणि सीमाने नेपाळमार्गे अवैधरित्या भारतात प्रवेश केला. सीमा आणि तिच्या चार मुलांसोबत ग्रेटर नोएडामध्ये सचिन सोबत राहत असलेली माहिती मिळाली होती.
