रजनीकांत आदित्य धरला म्हणाले, तू बॉक्स ऑफिसचा बाप…आदित्य धर भारावला!

धुरंधर २ द रिव्हेन्ज या चित्रपटाने सगळ्यांचीच मने जिंकली आहेत. आता चक्क सुपरस्टार रजनीकांत यांनीही आदित्य धर याच्या दिग्दर्शनाचे आणि या चित्रपटाचे कौतुक केल्यामुळे चित्रपटाच्या यशस्वीतेवर शिक्कामोर्तबच झाले आहे. मात्र त्यामुळे चित्रपटाचा विरोध करणाऱ्यांना एक जोरदार चपराकही यानिमित्ताने लगावली गेल्याचेही म्हटले जात आहे.

रजनीकांत यांनी पोस्ट करून आदित्य धरचे तोंडभरून कौतुक केले आहे. त्यांनी आपल्या पोस्टमध्ये म्हटले आहे की, ‘धुरंधर २.. काय चित्रपट आहे! आदित्य धर.. बॉक्स ऑफिसचा बाप. रणवीर आणि संपूर्ण कास्ट, क्रू मेंबर्सचं अभिनंदन. प्रत्येक भारतीयाने पहावा असा हा चित्रपट आहे. जय हिंद’.

चित्रपट निर्माता आदित्य धर यानेही रजनीकांत यांचे आभार मानत त्यांची प्रतिक्रिया ही आपल्यासाठी आशीर्वाद असल्याचे म्हटले आहे. धर यांनी हा क्षण अत्यंत खास असल्याचे सांगितले आणि रजनीकांत अनेक पिढ्यांसाठी मनोरंजनाचे कायम प्रतीक राहिले आहेत असे म्हटले. त्यांनी सुपरस्टारचा अद्वितीय करिष्मा आणि भव्य व्यक्तिमत्त्वाचेही कौतुक केले.

हे ही वाचा:

कोलंबियामध्ये लष्करी C-130 विमान कोसळून ६६ जणांचा मृत्यू

२४ काश्मिरी पंडितांच्या हत्येच्या काळ्या आठवणी ताज्या झाल्या!

“इराणवर हल्ला करण्याची कल्पना…” ट्रम्प यांनी कोणाकडे दाखवले बोट?

पीएसएल सोडून आयपीएलकडे खेळाडूंची धाव, PCBची कारवाईची धमकी

४३ वर्षीय दिग्दर्शक आदित्य धर म्हणाला, आयुष्यभर ज्यांचा ते आदर करत आले, त्या व्यक्तीकडून “जरूर पाहा” अशी प्रशंसा मिळणे अचंबित करणारे आणि भावनिक वाटले. त्यांनी या कौतुकाला आशीर्वाद म्हटले, जो त्यांच्या मनाला स्पर्शून गेला आणि कायम लक्षात राहील असे त्यांनी सांगितले.

आदित्य धरने आपल्या पोस्टमध्ये म्हटले की, “सर, आम्ही ‘मनोरंजना’साठी एकच मापदंड ठेवला आणि मोठे झालो, ते म्हणजे आपण. अनेक दशकांपासून आम्हाला शिट्ट्या वाजवायला लावणे, हसवणे, रडवणे आणि आयुष्यापेक्षा मोठं काहीतरी जाणवून देणे, आणि अजूनही त्याच स्टाइल आणि ग्रेसने तेच करत राहणे ही खरी जादू आहे.”

“म्हणूनच आपण धुरंधर २ जरूर पाहा म्हटल्याने हा माझ्या आयुष्यातील सर्वात मोठा ‘सुपरस्टार’ क्षण वाटतो. ज्यांनी आम्हाला मोठी स्वप्ने पाहायला शिकवले, त्यांच्याकडून मिळालेला हा आशीर्वाद आहे. शब्दांच्या पलीकडचे आभार, सर. हे थेट मनात जाऊन बसले आहे,” असे त्यांनी लिहिले आणि संदेशाचा शेवट “जय हिंद” असा केला।

याआधी अल्लू अर्जुन, महेश बाबू, अक्षय कुमार, विजय देवरकोंडा, ज्युनियर एनटीआर, रामचरण यांसारख्या अनेक आघाडीच्या कलाकारांनीही सोशल मीडियावर या चित्रपटाचे कौतुक केले.