सर्वोच्च न्यायालयाने गुरुवारी पहलगाममधील अलीकडील दहशतवादी हल्ल्यावर न्यायालयीन चौकशीसाठी दाखल करण्यात आलेली जनहित याचिका फेटाळून लावली. याचिका करण्याचे असे प्रयत्न सशस्त्र दलांचे मनोबल खच्ची करू शकतात, असा सज्जड दम न्यायालयाने याचिकाकर्त्यांना भरला.
नवी दिल्लीतील सर्वोच्च न्यायालयाचे दृश्य. न्यायमूर्ती सूर्यकांत आणि एन. कोटिश्वर सिंग यांच्या खंडपीठाने म्हटले, “ही अशी महत्त्वाची वेळ आहे की जिथे देशातील प्रत्येक नागरिक एकत्र येऊन दहशतवादाविरुद्ध लढा देत आहे. अशी कोणतीही विनंती करू नका, ज्यामुळे एखाद्या व्यक्तीचे मनोबल खच्ची करेल. विषयाच्या संवेदनशीलतेकडे लक्ष द्या.
खंडपीठाने पुढे म्हटले, “जबाबदारीने वागा. देशाप्रती तुमची काहीतरी जबाबदारी आहे. हे असे करण्याचा मार्ग आहे का? कृपया असे करू नका. निवृत्त उच्च न्यायालय किंवा सर्वोच्च न्यायालय न्यायाधीश कधीपासून अशा मुद्द्यांवर (दहशतवाद) चौकशीचे तज्ञ झाले आहेत? आम्ही काहीही ऐकून घेत नाही. तुम्हाला जिथे जायचे असेल तिथे जा.”
खंडपीठाने याचिकाकर्त्या फतेश कुमार साहू यांना याचिका वैयक्तिकरित्या मागे घेण्याची परवानगी दिली.
जम्मू आणि काश्मीरमधील तीन रहिवाशांनी दाखल केलेल्या या याचिकेत केंद्र सरकारला एक विशेष तपास पथक स्थापन करण्याचे निर्देश देण्याची मागणी केली होती, जेणेकरून दहशतवादी हल्ल्याच्या प्रकरणात जबाबदारी निश्चित करता येईल. २२ एप्रिल रोजी जम्मू आणि काश्मीरच्या पहलगामजवळील बैसरण येथे झालेल्या दहशतवादी हल्ल्यात स्थानिकांसह एकूण २६ लोक ठार झाले होते.
हे ही वाचा:
ही एक वेब संस्कृती, सर्जनशीलतेची
भारतासोबतच्या तणावादरम्यान पाकिस्तानच्या आयएसआय प्रमुखाला महत्त्वाची भूमिका!
कर्नाटक: नमाज पठणासाठी बस चालकाने चक्क बसच थांबवली!
भारताच्या इशाऱ्याला न जुमानता पाकिस्तानकडून नियंत्रण रेषेवर गोळीबार सुरूच!
अधिवक्त्याने मात्र, जम्मू आणि काश्मीरच्या बाहेर शिकणाऱ्या काश्मिरी विद्यार्थ्यांचे संरक्षण करण्यासाठी काहीतरी उपाययोजना करण्याची विनंती कायम ठेवली, कारण पहलगाम हल्ल्यानंतर त्यांच्यावर सूडात्मक हल्ले झाल्याचे सांगितले जात आहे. अधिवक्त्याने म्हटले, “किमान विद्यार्थ्यांसाठी तरी… जे जे & केच्या बाहेर शिक्षण घेत आहेत त्यांच्यासाठी काहीतरी संरक्षण असावे.”
त्यावर खंडपीठाने उत्तर दिले, “तुम्ही करत असलेल्या मागणीत तुम्हाला खात्री आहे का? प्रथम तुम्ही निवृत्त सर्वोच्च न्यायालय न्यायाधीशाकडून चौकशी करण्याची मागणी करता — ते तपास करू शकत नाहीत. मग तुम्ही मार्गदर्शक तत्त्वे, भरपाई, प्रेस कौन्सिलला निर्देश मागता. तुम्ही आम्हाला रात्री हे सर्व वाचण्यास भाग पाडता आणि आता विद्यार्थ्यांसाठी बोलता.”
शेवटी, सर्वोच्च न्यायालयाने याचिकाकर्त्याला विद्यार्थ्यांच्या प्रश्नावर निवारणासाठी संबंधित उच्च न्यायालयात जाण्याची मुभा दिली.
