राष्ट्रीय जनता दलाचे नेते आणि बिहारचे माजी उपमुख्यमंत्री तेजस्वी यादव हे पुन्हा एकदा वादात सापडले आहेत. त्यांनी अलीकडेच चुनाव आयोगावर प्रश्न उपस्थित करत एक मतदार ओळखपत्राचा (EPIC नंबर) फोटो दाखवला, पण भाजपाचा दावा आहे की तो नंबर बनावट असून तेजस्वी यादवचा खरा EPIC नंबर वेगळाच आहे, जो निवडणूक आयोगाच्या अधिकृत यादीत नोंदवलेला आहे. भाजपाचे नेते अमित मालवीय यांनी रविवारी ‘एक्स’वर पोस्ट करत तेजस्वींवर निशाणा साधला. त्यांनी लिहिले, “माझा अजूनही विश्वास बसत नाही की तेजस्वी यादव यांनी स्वतःची तुलना स्टीव्ह जॉब्ससोबत केली होती, आणि आता त्यांच्या हातात अनेक ओळखपत्रं असल्याचं उघड झालंय. खोट्या तुलना ते खोट्या वोटर आयडीपर्यंत, हा पाखंड अत्यंत धक्कादायक आहे.” ते पुढे म्हणाले, “विपक्ष म्हणजे केवळ पक्षांचं नव्हे, तर पप्पूंचं आघाडी आहे.”
भाजपाच्या बिहार युनिटनेही ‘एक्स’वर तेजस्वी यांचा व्हिडीओ आणि मतदार यादीत असलेली स्लिप शेअर केली आणि लिहिलं, “तेजस्वी यादवचं दोन EPIC नंबर असणं ही केवळ थट्टा नाही, तर लोकशाहीशी प्रतारणा आहे. राजदच्या राजकारणात फसवणूक रक्तातच आहे.” भाजपाचा दावा आहे की, २०२०च्या विधानसभा निवडणुकांदरम्यान तेजस्वी यादव यांचा EPIC नंबर ‘RAB0456228’ होता, आणि २०२५च्या प्रारंभिक मतदार यादीतही हाच नंबर नोंदवलेला आहे. मात्र, तेजस्वी यांनी अलीकडे जे मतदार ओळखपत्र दाखवलं त्यावर ‘RAB2916120’ असा वेगळा नंबर आहे, जो भाजपाच्या मते जनतेला गोंधळात टाकण्यासाठी बनवलेला आहे.
हेही वाचा..
रेल्वे मार्गावर नक्षलवाद्यांचे कारस्थान उधळले
कुलगाममध्ये आतापर्यंत ३ दहशतवादी ठार
५.१ तीव्रतेच्या भूकंपाने हादरलं पाकिस्तान
‘हर घर तिरंगा’ मोहीम बनेल जनआंदोलन
भाजपाचे म्हणणे आहे की, जर हा खरा नंबर तेजस्वी यादवकडे असेल, तर तो एक गंभीर निवडणूक गुन्हा आहे. भाजपाने प्रश्न उपस्थित केला की, “तेजस्वी यादव यांचं नाव दोन वेगवेगळ्या मतदारसंघांच्या मतदार यादीत आहे का? जर आहे, तर ते निवडणूक कायद्याचं स्पष्ट उल्लंघन आहे.” पुढे भाजपाने लिहिलं, “जर तेजस्वी यादव यांनी दाखवलेलं मतदार ओळखपत्र त्यांच्याकडे खरोखर असेल, तर गंभीर प्रश्न हा आहे की त्यांचं नाव दोन ठिकाणी आहे का? ही बाब बेकायदेशीर ठरते. बोगस मतदान, बूथ कॅप्चरिंग आणि मतपत्रिकांची लूट ही राजदच्या राजकीय संस्कृतीचा भाग राहिलेली आहे. आणि हेच तेजस्वी यादव यांनी खुलेआम दाखवलं आहे.”
भाजपाने २०२० आणि २०२५ च्या मतदार यादीतील तेजस्वी यादवच्या नोंदीची प्रतिमा (स्लिप)ही सार्वजनिक केली आहे. दरम्यान, तेजस्वी यादव यांनी एका पत्रकार परिषदेत स्वतःचा अर्ज क्रमांक दाखवून दावा केला होता की मतदार यादीत त्यांचं नावच नाही, आणि ते म्हणाले, “माझं नावच नाही, तर मी निवडणूक कशी लढवू?” मात्र, काही वेळातच निवडणूक आयोगाने त्यांच्या दाव्याला फेटाळून एक मतदार यादी जारी केली, ज्यामध्ये तेजस्वी यादव यांचा फोटो आणि योग्य EPIC नंबर स्पष्टपणे नोंदलेला होता.
