देशातील सर्व भाषा या राष्ट्रीय भाषा आहेत. संघात पूर्वीपासूनच सर्व भाषांना समान दृष्टीने पाहिले जात असल्याचे प्रतिपादन राष्ट्रीय स्वयंसेवक संघाचे अखिल भारतीय प्रचार प्रमुख सुनील आंबेकर यांनी केले.
संघाच्या प्रांत प्रचारकांची दिल्ली येथे 4 ते 6 जुलै दरम्यान बैठक झाली. या बैठकीत संघाच्या शताब्दी वर्षाच्या संघटनात्मक बाबी आणि योजनांवर चर्चा झाली, तर संघटनेने देशासमोरील विविध अंतर्गत सुरक्षा आव्हानांवरही चर्चा केली. या बैठकीसदर्भात आज, सोमवारी पत्रकार परिषदेत माहिती देताना आंबेकर म्हणाले की, बैठकीत तीन प्रकारच्या मुद्द्यांवर चर्चा झाली. ज्यामध्ये पहिला संघाच्या कार्याचा विस्तार, दुसरा शताब्दी वर्षाचा उत्सव आणि तिसरा देशातील विविध प्रांतांची परिस्थितीवर चर्चा झाली. यावेळी भाषेच्या संदर्भातील मुद्यावर आंबेकरांनी सांगितले की, संघ नेहमीच असा विश्वास ठेवत आला आहे की भारतातील सर्व भाषा राष्ट्रीय भाषा आहेत आणि सर्व लोकांना त्यांच्या स्वतःच्या भाषेत शिक्षण मिळते. ही गोष्ट संघात आधीच स्थापित असल्याचे त्यांनी सांगितले.
त्याचप्रमाणे बैठकीत मणिपूरमध्ये शांतता प्रस्थापित करण्यासाठी संघाच्या प्रयत्नांवर चर्चा झाली. त्यांनी सांगितले की, संघाकडून मेईतेई समुदायातील लोकांमध्ये केल्या जाणाऱ्या कामावर सविस्तर चर्चा करण्यात आली. आंबेकर म्हणाले की, यासाठी आणखी काही वेळ लागेल पण मणिपूरमध्ये गोष्टी खूप सुधारल्या आहेत. यासोबतच, सीमावर्ती भागात संघाकडून केल्या जाणाऱ्या कामावरही चर्चा करण्यात आली. ते त्या भागात कसे काम करत आहेत. सीमावर्ती भागात सुरक्षेसाठी संघ प्रचारक कसे काम करत आहेत यावरही चर्चा करण्यात आली. त्यासोबतच बैठकीत संघ शिक्षा वर्गावरही चर्चा करण्यात आली. यंदा 40 वर्षांपेक्षा कमी वयाच्या लोकांसाठी 75 वर्ग आयोजित करण्यात आले होते. यात 17690 स्वयंसेवकांनी प्रशिक्षण घेतले ज्यामध्ये 8812 ठिकाणांहून शिकणाऱ्यांनी सहभाग घेतला. त्यांनी सांगितले की, 40 ते 60 वयोगटासाठी 25 शिक्षा वर्ग आयोजित करण्यात आले होते ज्यामध्ये 4270 लोकांनी प्रशिक्षण घेतले.
तसेच संघाच्या शताब्दी वर्षानिमित्त हिंदू परिषदेचे आयोजन करणार असल्याचे आंबेकर यांनी सांगितले. हे संमेलन प्रत्येक मंडळ आणि प्रत्येक वसाहतीत आयोजित केले जाईल. त्यांनी सांगितले की 1 लाख 3 हजार 19 ठिकाणी हिंदू परिषद आयोजित केली जाईल. यासोबतच गृह संपर्कावरही चर्चा करण्यात आली. बैठकीत घरोघरी जाण्याची योजना आखण्यात आली असून 924 ठिकाणी नागरी चर्चासत्रे आयोजित केली जातील ज्यामध्ये राष्ट्रवाद आणि हिंदुत्वावर चर्चा केली जाईल असे आंबेकरांनी स्पष्ट केले.
आपल्याला समाजातील सर्व प्रकारच्या, वर्गाच्या, व्यवसायाच्या, विचारांच्या लोकांपर्यंत पोहोचायचे आहे. आपले विचार व्यक्त करणे आणि त्यांचे विचार समजून घेणे हे मुख्य उद्दिष्ट आहे. त्यांनी सांगितले की, यावर्षी विजयादशमीला अधिकाधिक स्वयंसेवक गणवेशात येतील, हे देखील बैठकीत ठरवण्यात आले आहे.आज तांत्रिक विकास होत आहे. या क्रमाने, आपल्या देशातील सामाजिक मूल्ये कशी जिवंत ठेवायची यावर चर्चा करण्यात आली. जीवनाची मूल्ये आणि कौटुंबिक मूल्ये जपण्याला महत्त्व दिले जाईल. जीवनाची प्रगती आर्थिक किंवा एकतर्फी नसून समग्रपणे व्हावी यासाठी एक रणनीती आखण्यात आली आहे.
यासोबतच ऑपरेशन सिंदूर, अमेरिका आणि बांगलादेशमधील हिंदू मंदिरांवर आणि हिंदूंवर होणारे हल्ले यावरही बैठकीत चर्चा झाली. त्यांनी सांगितले की देशाच्या विविध भागातील लोक या बैठकीत आले होते. त्यांनी सांगितले की बैठकीत सर्व विषयांवर चर्चा झाली. परंतु असे नाही की या मुद्द्यांवर कोणतीही योजना किंवा रणनीती आखण्यात आली होती. त्यांनी सांगितले की बैठकीचा मुख्य उद्देश संघ शताब्दी वर्ष होता, ज्याबद्दल बरीच चर्चा झाली.
