टेक्सासमधील भारतीय वंशाच्या नागरिकाच्या हत्येवर डोनाल्ड ट्रम्प संतापले!

गेल्या आठवड्यात अमेरिकेतील टेक्सासमधील डलास येथे भारतीय नागरिक चंद्रा नागमल्लैया यांची गळा चिरून निर्घृण हत्या करण्यात आली होती. या घटनेवर आता अमेरिकेचे राष्ट्राध्यक्ष डोनाल्ड ट्रम्प यांनी तीव्र प्रतिक्रिया व्यक्त केली आहे. मीडिया रिपोर्ट्सनुसार, हत्येचा आरोपी हा क्युबाहून अमेरिकेत आलेला बेकायदेशीर स्थलांतरित म्हणून ओळखला गेला आहे. आरोपीचा आधीच गंभीर गुन्हेगारी रेकॉर्ड आहे, तरीही, जो बायडेन सरकारच्या काळात त्याला अमेरिकेतून हद्दपार करण्यात आले नाही, कारण क्युबाने त्याला परत घेण्यास नकार दिला होता.

या घटनेवर प्रतिक्रिया देताना अमेरिकेचे राष्ट्राध्यक्ष डोनाल्ड ट्रम्प यांनी त्यांच्या सोशल मीडिया प्लॅटफॉर्म ‘ट्रुथ’ वर पोस्ट केले आहे की, “डलासमध्ये चंद्र नागमल्लैया यांच्या हत्येची भयानक बातमी मला मिळाली आहे. एका बेकायदेशीर परदेशी व्यक्तीने त्यांच्या पत्नी आणि मुलासमोर त्यांचा शिरच्छेद केला, हा गुन्हा अमेरिकेत कधीही घडू नये.”

ट्रम्प पुढे म्हणाले की, या आरोपीला आधीच अनेक जघन्य गुन्ह्यांसाठी अटक करण्यात आली होती, परंतु बायडेन प्रशासनाच्या कमकुवत इमिग्रेशन धोरणामुळे तो अमेरिकेत फिरत होता. त्यांनी सांगितले की त्यांच्या नेतृत्वाखाली अशा बेकायदेशीर स्थलांतरित गुन्हेगारांविरुद्ध कोणतीही दयामाया दाखवली जाणार नाही. ट्रम्प यांनी जनतेला आश्वासन दिले की ते अमेरिका पुन्हा सुरक्षित करण्यासाठी पूर्णपणे वचनबद्ध आहेत.

हे ही वाचा : 

एक कोटींचे बक्षीस असलेल्या माओवादी नेत्यासह दोघांचा खात्मा

परतीच्या पावसाची दमदार हजेरी; मुंबईत रेल्वे, रस्ते वाहतुकीवर परिणाम

कर्णधार सूर्यकुमारने पाकिस्तानवरील विजय केला भारतीय जवानांना समर्पित

भारताचे अबुधाबीत ऑपरेशन पाकिस्तान; ७ विकेट्सनी केली दणदणीत मात

 अमेरिकेच्या गृहसुरक्षा विभागाने (DHS) याची पुष्टी केली आहे की आरोपी योर्डॅनिस कोबोस-मार्टिनेज (३७), हा क्यूबाचा नागरिक आहे आणि त्याला ज्यो बायडेन यांच्या नेतृत्वाखालील आधीच्या प्रशासनाने मुक्त केले होते. कारण, त्याच्या गुन्हेगारी पार्श्वभूमीमुळे क्यूबाने त्याला परत घ्यायला नकार दिला होता.