संयुक्त राष्ट्र महासभेच्या (युएनजीए) न्यूयॉर्क मधील कार्यक्रमात भारताने G-२० शिखर परिषदेत भूषविलेल्या अध्यक्षपदावर युएनजीए प्रमुखांकडून कौतुक करण्यात आले आहे.महासभेचे अध्यक्ष डेनिस फ्रान्सिस यांनी आफ्रिकन युनियनला या गटाचा स्थायी सदस्य बनवणे ऐतिहासिक ठरल्याचे सांगत भारताची प्रशंसा केली आहे.या कार्यक्रमात भारताचे परराष्ट्र मंत्री एस जयशंकर उपस्थित होते.
अमेरिकेतील न्यूयॉर्क शहरात गेल्या शनिवारी भारत-यूएन फॉर ग्लोबल साउथ डिलिव्हरींग फॉर डेव्हलपमेंटचा कार्यक्रम आयोजित करण्यात आला होता. यादरम्यान संयुक्त राष्ट्र महासभेचे अध्यक्ष डेनिस फ्रान्सिस यांनी भारताच्या G-२० अध्यक्षपदाची प्रशंसा केली आणि सांगितले की, आफ्रिकन युनियनला या गटाचा स्थायी सदस्य बनवणे ऐतिहासिक ठरले. इंडिया-यूएन फॉर ग्लोबल साउथ डिलिव्हरींग फॉर डेव्हलपमेंट इव्हेंटमध्ये आपल्या भाषणादरम्यान फ्रान्सिस म्हणाले की आफ्रिकन युनियनला स्थायी सदस्य बनवल्याने ग्लोबल साउथमध्ये सहकार्य आणि एकता मजबूत होईल.
हेही वाचा..
निज्जरच्या हत्येनंतर एफबीआयने यूएस खलिस्तान्यांना केले होते सावध !
मुंबईत दीड दिवसाच्या गणेशमूर्तींच्या कृत्रिम तलावातील विसर्जनात यंदा २३ टक्के वाढ
भारताची पहिल्या दिवशी दमदार कामगिरी, ५ पदकांची कमाई
‘राष्ट्रहिताला प्राधान्य’ देणाऱ्या तरुण पिढीचा विजय, अमित शहा !
या परिषदेदरम्यान संयुक्त राष्ट्रातील भारताच्या स्थायी प्रतिनिधी रुचिरा कंबोज यांनीही कार्यक्रमाला संबोधित केले. ते म्हणाले की, ग्लोबल साउथसोबत भारताचा सहभाग केवळ धोरणात्मक नाही. ते म्हणाले की, तत्वज्ञान आणि संस्कृती हे आपल्यात उपजतच आहे. रुचिरा कंबोज पुढे म्हणाल्या की, कोरोनासारख्या महामारीच्या काळातही भारताने जगाला मदतीचा हात पुढे केला आणि १५० देशांना औषधांचा पुरवठा केला आणि जवळपास १०० देशांना लसही दिली. यासाठी भारताला जागतिक फार्मसी हे टोपणनाव देण्यात आले आहे.
या कार्यक्रमात भारताचे परराष्ट्र मंत्री एस जयशंकर देखील सहभागी झाले होते. कार्यक्रमाला संबोधित करताना ते म्हणाले की उत्तर-दक्षिण विभाग आणि पूर्व-पश्चिम ध्रुवीकरणामुळे भारताचे G-२० चे अध्यक्षपद आव्हानात्मक होते. ते पुढे म्हणाले की भारताच्या अध्यक्षतेखालील G-२० त्याच्या मूळ अजेंड्यावर परत येऊ शकेल याची खात्री करण्यासाठी भारत पूर्णपणे वचनबद्ध आहे. तुमची येथे उपस्थिती आमच्यासाठी खूप महत्त्वाची असल्याचे ते म्हणाले.
