नॅशनल हेराल्ड प्रकरण : गुजरातमध्ये भाजपचा ‘हल्ला बोल’

नॅशनल हेराल्ड प्रकरणात ईडीने सोनिया गांधी आणि राहुल गांधी यांच्या विरोधात चार्जशीट दाखल केल्यानंतर गुजरातमध्ये राजकीय वातावरण तापले आहे. गुरुवारी गांधीनगर आणि अहमदाबादमध्ये भाजपने काँग्रेसविरोधात जोरदार निदर्शने केली. गांधीनगरमध्ये शहराच्या महापौर, भाजप नगराध्यक्ष आणि मोठ्या संख्येने स्थानिक भाजप कार्यकर्ते या आंदोलनात सहभागी झाले. उत्तर गांधीनगरच्या आमदार रीताबेन पटेल यांनी या आंदोलनाचं नेतृत्व केलं. आंदोलनकर्त्यांनी नॅशनल हेराल्ड प्रकरणात ईडीच्या कारवाईला पाठिंबा दर्शवून काँग्रेसवर तीव्र टीका केली. भाजप नेत्यांनी आरोप केला की काँग्रेस पक्ष भ्रष्टाचारात बुडालेला आहे आणि नॅशनल हेराल्ड प्रकरण त्यांचा खरा चेहरा उघड करत आहे.

आमदार रीताबेन पटेल यांनी माध्यमांशी बोलताना सांगितले की, “काँग्रेसचे ज्येष्ठ नेते सोनिया गांधी आणि राहुल गांधी यांच्यावर ईडीने दाखल केलेल्या चार्जशीटनुसार आम्ही सर्व भाजप कार्यकर्ते आज गांधीनगरमध्ये आंदोलन करत आहोत. ५००० कोटींपेक्षा अधिकची मालमत्ता नेहरू कुटुंबाने आपल्या नावावर केली आणि त्या घोटाळ्याचे पैसे घरी नेले. देशाची जनता आता त्यांच्याकडे उत्तर मागत आहे. जेव्हा हे प्रकरण समोर आले, तेव्हा केंद्रात काँग्रेसचीच सत्ता होती. राहुल गांधी, सोनिया गांधी आणि नेहरू कुटुंबाचे प्रतीक म्हणून आम्ही पुतळा दहन केलं आहे.”

हेही वाचा..

दिल्लीत ज्येष्ठ नागरिकांना मिळणार ‘आयुष्मान कार्ड’

ट्रम्प प्रशासनावर खटला दाखल करणारा भारतीय विद्यार्थी चिन्मय देवरे आहे कोण?

“दंगलीचे आवाहन मशिदीच्या लाऊडस्पीकरवरून करण्यात आले होते”

एसआयटी करणार मुर्शीदाबाद दंगलीची चौकशी

गांधीनगरव्यतिरिक्त अहमदाबादच्या एलिसब्रिज भागातही भाजप कार्यकर्त्यांनी आंदोलन केलं. तिथंही राहुल गांधी आणि सोनिया गांधी यांच्या पुतळ्यांचे दहन करण्यात आले. एलिसब्रिजचे आमदार अमित शाह यांनी काँग्रेसवर थेट हल्ला करताना सांगितले की, “काँग्रेस पक्ष भ्रष्टाचारात गुंतलेला आहे, आणि नॅशनल हेराल्ड प्रकरण याचे स्पष्ट उदाहरण आहे.”

एलिसब्रिजचे आमदार म्हणाले, “तुम्हा सर्वांना माहिती आहे की नॅशनल हेराल्ड प्रकरणात सीबीआयने दाखल केलेल्या चार्जशीटमध्ये सोनिया गांधी आणि राहुल गांधी यांची नावे आहेत. त्यांच्या विरोधात खटला चालणार आहे. देशाची जनता आता समजून गेली आहे की काँग्रेस पक्ष नेहमीच भ्रष्टाचारी होता, आहे आणि राहील.”