मोहाली पोलिसांनी मोठी कारवाई करत चार गुंडांना अटक करण्यात यश मिळवले आहे. पोलिसांनी त्यांच्या ताब्यातून एक पिस्तूल आणि एक कट्टा देखील जप्त केला आहे. ही अटक अलीकडेच सेक्टर ७६ मध्ये घडलेल्या मोठ्या घटनेच्या तपासादरम्यान करण्यात आली आहे.
काही दिवसांपूर्वी मोहालीच्या सेक्टर ७६ भागात काही अज्ञात व्यक्तींनी एका गाडीवर पेट्रोल टाकून तिला जाळून टाकले होते. या घटनेचा व्हिडिओ सोशल मिडियावरही व्हायरल झाला होता, त्यानंतर पोलिसांनी तातडीने कारवाई सुरू केली होती. सोमवारी मोहाली पोलिसांनी पत्रकार परिषद घेत या प्रकरणाचा यशस्वी उलगडा केल्याची माहिती दिली. पोलिसांच्या म्हणण्यानुसार, तपासादरम्यान समोर आलेल्या व्हिडिओ फुटेजवरून आरोपींची ओळख पटवण्यात आली आणि त्यानंतर त्यांना अटक करण्यात आली.
हेही वाचा..
खलिस्तान समर्थक जगमीत सिंग पराभूत; कॅनडात NDP पक्षाला फक्त २ टक्के मतं
पाकिस्तानच्या दहशतवादाला प्रोत्साहन देण्याच्या कबुलीचे आश्चर्य कसले?
टीकेची झोड उठताचं वडेट्टीवारांची माघार; माफी मागत दिले स्पष्टीकरण
“अल्लाहू अकबर”चे नारे देणाऱ्या झिपलाइन ऑपरेटरची होणार एनआयए चौकशी
पोलिसांनी सांगितले की, गाडी जाळण्याच्या घटनेचा तपास करत असताना चार गुंडांना अटक करण्यात आली. त्यांच्या ताब्यातून एक पिस्तूल आणि एक कट्टा जप्त करण्यात आले आहेत. हे आरोपी कोणतीतरी मोठी गुन्हेगारी कटकारस्थान घडवण्याच्या तयारीत होते. पोलिसांच्या माहितीनुसार, या गुंडांविरुद्ध आधीपासूनच अनेक गुन्हे दाखल आहेत आणि आता त्यांची चौकशी करून त्यांच्या नेटवर्कबाबत व अन्य साथीदारांविषयी माहिती गोळा केली जात आहे.
यापूर्वी, २२ एप्रिल रोजी अमृतसर पोलिसांनी गुप्त माहितीच्या आधारे नाकाबंदी करून लॉरेन्स बिश्नोई गँगशी संबंधित चार तरुणांना अटक केली होती. त्यांच्या ताब्यातून पाच पिस्तुले आणि अनेक जिवंत काडतुसे जप्त करण्यात आली होती. अटक करण्यात आलेल्या तरुणांची ओळख शिवम, जशनदीप, नवदीप आणि उज्ज्वल अशी झाली आहे. पोलिस आयुक्त गुरप्रीत सिंह भुल्लर यांनी सांगितले की, ही मोठी यशस्वी कारवाई आहे, कारण हे तरुण खूनाच्या कटात सामील होते, पण योग्य वेळी त्यांना अटक करण्यात आली.
