पहलगाम हल्ल्यानंतर भारत पाकिस्तानविरुद्ध मोठी कारवाई करण्याच्या तयारीत असल्याची माहिती आहे. त्यामुळे पाकिस्तान सरकार, लष्कर आणि पाकिस्तानला पाठिंबा देणाऱ्या दहशतवाद्यांमध्ये भीतीचे वातावरण आहे. एकीकडे पाकिस्तानने पहलगाम हल्ल्यामधील सहभागावरून हात वर केले असले तरी दुसरीकडे तो दहशतवाद्यांना वाचवण्याच्या तयारीत आहे. पाकिस्तानने नुकतेच दहशतवादी हाफिझ सईद आणि मसूद अझहरला दुसऱ्या कारागृहात हलवले होते. याच दरम्यान, दहशतवादी हाफिझ सईदबाबत मोठी माहिती समोर आली आहे. दहशतवादी हाफिझ सईदची सुरक्षा जवळजवळ चार पट वाढवली आहे. पाकिस्तानी सशस्त्र दलातील सशस्त्र कर्मचारी २४x७ तास त्याच्यावर लक्ष ठेवून आहेत.
दहशतवादी हाफिज सईद सध्या तुरुंगात शिक्षा भोगत आहे. तुरुंगाच्या नावाखाली, त्याला लाहोरमधील एका घरात सुरक्षित आश्रय देण्यात आला आहे, जो मशिदी, मदरसे आणि सामान्य लोकांच्या घरांनी वेढलेला आहे. हाफिजच्या घरापासून एक किलोमीटरच्या अंतरावर एक नियंत्रण कक्ष देखील स्थापन करण्यात आला आहे, जे सर्व हालचालींवर लक्ष ठेवून आहे.
पाकिस्तानने दहशतवादी हाफिज सईदची सुरक्षा वाढवली आहे. हाफिजच्या घराबाहेर पाकिस्तानी लष्कराचे जवान तैनात करण्यात आले आहेत. चार किलोमीटर परिसरात सीसीटीव्ही बसवण्यात आले आहेत आणि संपूर्ण परिसरावर ड्रोनद्वारे लक्ष ठेवले जात आहे. मिळालेल्या माहितीनुसार, हाफिज सईदला लाहोरच्या जोहर टाउन परिसरातील घर क्रमांक ११६ ई या ठिकाणी ठेवण्यात आले आहे. घराजवळ कोणत्याही नागरिकांच्या हालचालींना परवानगी नाही आणि परिसरात ड्रोन उडवण्यास बंदी आहे.
हे ही वाचा :
भारतात १६ पाकिस्तानी यूट्यूब चॅनेलवर बंदी, कलाकारांच्या इंस्टाग्राम अकाउंटवरही बंदी!
पहलगाममधील हल्लेखोर कदाचित दक्षिण काश्मीरमध्ये लपून बसलेत!
सशस्त्र दलांचे मनोबल खच्ची करू नका! सर्वोच्च न्यायालयाने याचिकाकर्त्यांना खडसावले
अमृतसर: पाकिस्तानी सीमेवर बीएसएफकडून ५ हँडग्रेनेड, ३ पिस्तूलांसह अनेक शस्त्रे जप्त!
दरम्यान, टीआरएफने जाहीर दावा केला असला तरी, भारतीय एजन्सींचा असा विश्वास आहे की हा हल्ला घडवून आणण्यात हाफिज सईदची मध्यवर्ती भूमिका होती. संयुक्त राष्ट्र आणि अमेरिकेने जागतिक दहशतवादी म्हणून घोषित केले असूनही आणि त्याच्यावर १० दशलक्ष अमेरिकन डॉलर्सचे बक्षीस असूनही दहशतवादी सईद पाकिस्तानात उघडपणे राहत आहे.
