भारताने पाकिस्तानी विमानांसाठी हवाई क्षेत्र केले बंद, परिणाम काय?

- Advertisement -

पाकिस्तानसोबतच्या तणावाच्या पार्श्वभूमीवर भारताने आणखी एक मोठी कारवाई केली आहे. भारताने पाकिस्तानी विमानांसाठी आपले हवाई क्षेत्र २३ मे पर्यंत बंद केले आहे. या संदर्भात भारत सरकारने काल (३० एप्रिल) संध्याकाळी NOTAM (हवाई मोहिमांना सूचना) देखील जारी केला आहे. या काळात, पाकिस्तानचे कोणतेही नागरी किंवा लष्करी विमान भारतीय हवाई हद्दीतून जाऊ शकत नाही. भारतीय हवाई क्षेत्र बंद झाल्यानंतर पाकिस्तानी विमानांना पुढील समस्यांना तोंड द्यावे लागणार आहे.

भारतीय हवाई क्षेत्र बंद केल्यानंतर आता जर कोणतेही पाकिस्तानी विमान भारतीय हवाई क्षेत्रात घुसले तर त्यावर कारवाई केली जाईल. दरम्यान, भारताच्या कारवाई अगोदरच पाकिस्तानने भारतीय विमानांसाठी आपले हवाई क्षेत्र बंद केले होते. यानंतर, बुधवारी (३० एप्रिल) झालेल्या सीसीएस बैठकीत भारताने पाकिस्तानी विमानांसाठी आपले हवाई क्षेत्र बंद करण्याच्या निर्णयाला मान्यता दिली.

भारताच्या या निर्णयामुळे आधीच दिवाळखोरीत निघालेल्या पाकिस्तानचे कंबरडे आणखी मोडेल. पाकिस्तान एअरलाइन्सला अधिक नुकसान होईल. कारण पाकिस्तानी विमानांना आग्नेय आशियात पोहोचण्यासाठी जास्त अंतर उडवावे लागेल. उदाहरणार्थ, सध्या पाकिस्तानी विमानांना मलेशियाला पोहोचण्यासाठी सुमारे साडेपाच तास लागतात. आता भारतीय हवाई क्षेत्र बंद झाल्यानंतर पाकिस्तानी विमानांना मलेशियाला पोहोचण्यासाठी ८.५ तासांचा प्रवास करावा लागेल. त्याचप्रमाणे, बांगलादेश, सिंगापूर आणि ऑस्ट्रेलियासारख्या देशांमध्ये पोहोचण्यासाठी पाकिस्तानी विमानांना अधिक फेऱ्या माराव्या लागतील.

हे ही वाचा : 

अशुतोष दीक्षित इंटीग्रेटेड डिफेन्स स्टाफचे नवे प्रमुख

आम्ही सज्ज! शत्रूला INS सूरतच्या कमांडिंग ऑफिसरचा इशारा

भारतात १६ पाकिस्तानी यूट्यूब चॅनेलवर बंदी, कलाकारांच्या इंस्टाग्राम अकाउंटवरही बंदी!

सशस्त्र दलांचे मनोबल खच्ची करू नका! सर्वोच्च न्यायालयाने याचिकाकर्त्यांना खडसावले

उदाहरणार्थ, इस्लामाबाद ते ऑस्ट्रेलिया (सिडनी) पर्यंतच्या विमानांना साधारणपणे १५-१९ तास लागतात. तथापि, भारतीय हवाई क्षेत्र बंद झाल्यामुळे, पाकिस्तानी विमानांना आता लांब मार्गाचा वापर करावा लागेल. अशा परिस्थितीत विमानाला जास्त इंधन लागेल. इंधनाच्या वापरात वाढ झाल्यामुळे विमान भाडेही वाढेल.