पंकजा मुंडेंना अश्लील संदेश पाठवणाऱ्या एकाला पुण्यातून अटक

भाजप नेत्या आणि कॅबिनेट मंत्री पंकजा मुंडे यांना अश्लील फोन कॉल आणि आक्षेपार्ह संदेश पाठवून त्रास दिल्याच्या आरोपाखाली महाराष्ट्र नोडल सायबर पोलिसांनी पुण्यातील एका रहिवाशाला अटक केली आहे. अधिकाऱ्यांच्या म्हणण्यानुसार, आरोपी गेल्या काही दिवसांपासून पंकजा मुंडे यांना वारंवार कॉल आणि आक्षेपार्ह संदेश पाठवून त्रास देत होता. मुंबईतील नरिमन पॉइंट येथील भाजपच्या महाराष्ट्र कार्यालयातील सोशल मीडिया समन्वयक निखिल भामरे यांनी तक्रार दाखल केल्यानंतर हे प्रकरण उघडकीस आले. भामरे यांनी मुंबई नोडल सायबर पोलिसांकडे जाऊन तक्रार नोंदवली. त्यांच्या वक्तव्याच्या आधारे, सायबर पोलिसांनी माहिती तंत्रज्ञान कायद्याच्या संबंधित तरतुदींसह बीएनएसच्या कलम ७८ आणि ७९ अंतर्गत एफआयआर नोंदवला.

भाजपा नेत्या पंकजा मुंडे यांना अश्लील संदेश पाठवणे आणि कॉल करणे या आरोपाखाली एकाला अटक करण्यात आली आहे. महाराष्ट्र नोडल सायबर पोलिसांनी ही कारवाई केली आहे. अमोल काळे (वय २५ वर्षे) असे आरोपीचे नाव असून त्याच्यावर कारवाई करण्यात आली आहे. नोडल सायबर पोलिसांकडून मिळालेल्या माहितीनुसार, निखिल भामरे यांनी तक्रार दाखल केली होती. भामरे हे मुंबईतील नरिमन पॉइंट येथील महाराष्ट्र भाजप कार्यालयात सोशल मीडिया समन्वयक म्हणून काम करतात. आरोपी काळे हा गेल्या काही दिवसांपासून मुंडे यांना कॉल आणि मेसेज द्वारे त्रास देत होता. अखेर भामरे यांनी तक्रार दिल्यानंतर पोलिसांनी एफआयआर नोंदवला.

हे ही वाचा : 

कर्नाटकमध्ये बजरंग दलाच्या कार्यकर्त्याची हत्या

राजधानीत वादळी वाऱ्यासह मुसळधार पाऊस; जनजीवन विस्कळीत

बीएसएफने दहशतवादी कटकारस्थान उधळलं

फौजिया बेगमने ३० वर्षांनी केले जन्मप्रमाणपत्र, सोमय्यांनी केली पोलखोल

यानंतर पोलिसांनी आरोपी काळेचा फोन ट्रेस करत लोकेशन शोधून काढलं. पुण्यातील लोकेशन समोर आल्यानंतर सायबर पोलिसांनी पुण्यातील भोसरी पोलिस ठाण्याच्या अधिकाऱ्यांच्या मदतीने अमोल काळे याला ताब्यात घेतले. पोलिसांनी चौकशी केली असता आरोपी काळे याने गुन्ह्याची कबुली दिली. त्यानंतर, अमोल काळे याला मुंबईत आणण्यात आले आणि औपचारिकरित्या अटक करण्यात आली. काळे याने असे का केले याचा सध्या शोध घेतला जात आहे.