त्या खासदारांचा आम्हाला अभिमान वाटतो!

पंतप्रधान नरेंद्र मोदी यांनी मंगळवारी संध्याकाळी काँग्रेस नेते शशी थरूर, गुलाम नबी आझाद आणि ऑपरेशन सिंदूर अंतर्गत भारताचं प्रतिनिधित्व करणाऱ्या सर्वपक्षीय शिष्टमंडळातील सर्व खासदारांशी ७ लोक कल्याण मार्ग, दिल्ली येथे भेट घेतली

पंतप्रधान मोदींनी आपल्या X (पूर्वीचे ट्विटर) हँडलवरून लिहिले, भारताने शांतता व दहशतवाद निर्मूलनासाठी घेतलेली भूमिका विविध देशांत मांडणाऱ्या शिष्टमंडळांच्या सदस्यांना भेटलो. त्यांनी ज्या प्रकारे भारताचा आवाज आंतरराष्ट्रीय स्तरावर पोहोचवला, त्याचा आम्हा सर्वांना अभिमान वाटतो.

हे ही वाचा:

पाकिस्तानमध्ये पुन्हा बालिका वधूंचा बाजार ?

मुंब्रा घटनेनंतर सरकारी कार्यालयाच्या वेळा बदलण्यात येणार!

कडवट मेथी दाण्यांत लपलाय गोडवा

राजा रघुवंशीला ठार मारताना पत्नी सोनम हजर होती!

सात शिष्टमंडळे

ऑपरेशन सिंदूर अंतर्गत ५९ खासदार आणि माजी राजनयिकांचे सात शिष्टमंडळ तयार करण्यात आले. या शिष्टमंडळांनी युरोपियन युनियनसह ३३ देशांचा दौरा करून विविध देशांतील धोरणकर्ते, लोकप्रतिनिधी, आणि नागरी समाजासमोर पाकिस्तानच्या दहशतवादाला पाठीशी घालणाऱ्या भूमिकेचा पर्दाफाश केला.

शिष्टमंडळात अनेक पक्षांचे खासदार होते. प्रत्येक गटात ८ ते ९ सदस्य, आणि प्रत्येक गटासाठी एक नेता नेमण्यात आला होता.

या शिष्टमंडळांचे नेतृत्व पुढील नेत्यांनी केले:

• काँग्रेसचे शशी थरूर
• भाजपचे रविशंकर प्रसाद आणि जय पांडा
• जद (यू) चे संजय झा
• द्रमुकच्या कनिमोळी करुणानिधी
• राष्ट्रवादी काँग्रेसच्या सुप्रिया सुळे
• शिवसेनेचे श्रीकांत शिंदे

माजी केंद्रीय मंत्री गुलाम नबी आझाद आणि सलमान खुर्शीद यांचाही यात समावेश होता. काँग्रेसचे आनंद शर्मा यांनीही पंतप्रधान मोदींची भेट घेतली.

या शिष्टमंडळांनी पाकिस्तानच्या क्रॉस-बॉर्डर दहशतवादाला उघडपणे आव्हान दिलं. त्यांनी पाकिस्तानला FATF (Financial Action Task Force) च्या ग्रे लिस्टमध्ये ठेवण्याची मागणीही विविध देशांपुढे मांडली.

ऑपरेशन सिंदूर का सुरू करण्यात आलं?

७ मे २०२५ रोजी सुरू झालेलं ऑपरेशन सिंदूर, २२ एप्रिलला जम्मू-काश्मीरमधील पहलगाममध्ये झालेल्या दहशतवादी हल्ल्याच्या पार्श्वभूमीवर राबवण्यात आलं. या हल्ल्यात २६ जणांचा मृत्यू झाला होता, ज्यात बहुतांश पर्यटकांचा समावेश होता.