“ऋषभ पंत नाव नाही… आत्मविश्वास आहे!”

दिल्ली प्रीमियर लीग (डीपीएल) च्या आगामी हंगामासाठी ‘पुरानी दिल्ली 6’ संघाने स्टार क्रिकेटपटू ऋषभ पंत याला पुन्हा संघात कायम ठेवले आहे. दिल्ली आणि जिल्हा क्रिकेट संघटनेचे (डीडीसीए) अध्यक्ष रोहन जेटली यांच्या मते, पंत डीपीएलमध्ये खेळतो हे पाहून युवा खेळाडूंना मोठी प्रेरणा मिळते.

रोहन जेटली यांनी आयएएनएसला सांगितले –

“ऋषभ पंत जेव्हा डीपीएलमध्ये खेळतो, तेव्हा संपूर्ण लीगमध्ये एक प्रेरणादायी वातावरण निर्माण होते. पंत भारतासाठी आंतरराष्ट्रीय सामने खेळतो, पण तरीही तो दिल्लीसाठी स्थानिक राज्य लीगमध्येही सहभागी होतो. यामुळे आयुष बडोनी, दिग्वेश राठी, प्रियांश आर्य यासारख्या खेळाडूंनी याच लीगमधून पुढे जाऊन राष्ट्रीय स्तरावर नाव कमावले.”

या हंगामात डीपीएलमध्ये ‘आऊटर दिल्ली’ आणि ‘नवी दिल्ली’ अशा दोन नवीन टीम्स सामील झाल्या आहेत.

“यामागचा उद्देश आहे – नवीन टॅलेंटला संधी देणे आणि त्यांच्या कौशल्यांना दिशा देणे. आम्ही गेल्या वर्षी जे व्यासपीठ दिलं, ते यंदा आणखी विस्तारित करत आहोत, जेणेकरून अधिकाधिक गुणवान खेळाडूंना संधी मिळावी,” असं जेटली म्हणाले.

या दुसऱ्या हंगामात सर्व वयोगटातील खेळाडूंना संधी दिली जाणार आहे. विशेषतः अंडर-१६ वयोगटातील क्रिकेटपटूंनाही सहभागी होण्याची परवानगी देण्यात आली आहे.

• पुरुष खेळाडूंची लिलाव प्रक्रिया ६ जुलैला,

• तर महिला खेळाडूंचा लिलाव ७ जुलैला होणार आहे.

याच वेळी रोहन जेटली यांनी इंग्लंड दौऱ्यात भारतीय संघाने दिलेल्या कामगिरीचं कौतुक केलं असून मुख्य प्रशिक्षक गौतम गंभीर यांचेही अभिनंदन केले आहे – जे स्वतः दिल्लीचे आहेत.

सध्या एजबेस्टन टेस्टमध्ये भारत इंग्लंडला पराभूत करण्यापासून केवळ ७ विकेट्स दूर आहे.

• भारताने दुसऱ्या डावात ६०८ धावांचे लक्ष्य दिले आहे.

• इंग्लंडने चौथ्या दिवशी ३ बाद ७२ धावा केल्या असून अजून ५३६ धावा हव्याच आहेत.