गर्भावस्थेत व्यायाम, सॉना बाथ, गरम पाण्याचा वापर सुरक्षित

गर्भावस्थेत महिलेला अनेक प्रकारच्या सूचना दिल्या जातात – कुणी सांगतं जास्त चालू नकोस, कुणी सांगतं थंड हवामानात राहा, तर काही जण गरम पाण्यापासून दूर राहण्याचा सल्ला देतात. सॉना बाथ आणि व्यायाम टाळावेत, असंही बऱ्याचदा ऐकवलं जातं. कारण असं मानलं जातं की हे सर्व गर्भातील बाळासाठी घातक ठरू शकतं. पण ऑस्ट्रेलियात झालेल्या एका नवीन वैज्ञानिक संशोधनाने हे सगळे समज चुकीचे असल्याचे सिद्ध केले आहे. या संशोधनाचं नेतृत्व सिडनी विद्यापीठाचे प्राध्यापक ओली जे यांनी केलं असून ते ब्रिटिश जर्नल ऑफ स्पोर्ट्स मेडिसिनमध्ये प्रकाशित करण्यात आलं आहे. संशोधनात सांगितलं आहे की, जर काळजीपूर्वक आणि मर्यादित प्रमाणात केलं गेलं, तर गर्भवती महिला व्यायाम करू शकतात, स्पा किंवा सॉना बाथ घेऊ शकतात आणि गरम पाण्यात वेळ घालवू शकतात – आणि यामुळे गर्भातील बाळाला कोणताही धोका उद्भवत नाही.

या अभ्यासात १२ वेगवेगळ्या अध्ययनांमध्ये ३४७ गर्भवती महिलांचा समावेश करण्यात आला. त्यांच्यावर वेगवेगळ्या तापमानात आणि परिस्थितीत व्यायाम व सॉना बाथ करुन देण्यात आले आणि त्यांच्या शरीरावर त्याचा काय परिणाम होतो हे तपासण्यात आलं. संशोधकांच्या म्हणण्यानुसार, २५ अंश सेल्सियस तापमान आणि ४५ टक्के आर्द्रता असलेल्या वातावरणात, गर्भवती महिला आपली ८०–९० टक्के कमाल हृदयगती राखून ३५ मिनिटांपर्यंत व्यायाम करू शकतात – आणि हे पूर्णपणे सुरक्षित आहे.

हेही वाचा..

तेजस्वी यादव यांच्या दाव्यांची पोलखोल

तिरुमला देवस्थानचा कर्मचारी लपूनछपून जात होता चर्चमध्ये!

दिल्लीत पाच घुसखोर बांगलादेशींना अटक!

अभिनेत्री अरुणा यांच्या घरी ईडीचा छापा

३३.४ अंश सेल्सियसपेक्षा कमी तापमानाच्या पाण्यात तिने पोहणं, एक्वा एरोबिक्स यासारख्या क्रियाकलाप ४५ मिनिटांपर्यंत करू शकते. याशिवाय, ४० अंश सेल्सियस तापमानाच्या टबमध्ये किंवा ७० अंश सेल्सियस तापमानाच्या सॉना बाथमध्ये (जिथे आर्द्रता केवळ १५ टक्के असते) २० मिनिटांपर्यंत बसणंही सुरक्षित आहे. या अभ्यासात सहभागी झालेल्या कोणत्याही महिलांचे शरीराचे तापमान धोक्याच्या पातळीवर पोहोचले नाही. बहुतेक प्रकरणांत, ते अपेक्षित सुरक्षित मर्यादेच्या खालचं होतं. तथापि, संशोधकांनी हेही स्पष्ट केलं आहे की प्रत्येक महिलेची वैयक्तिक प्रकृती वेगळी असते, त्यामुळे अशा कोणत्याही उपक्रमाची सुरुवात करण्याआधी डॉक्टरांचा सल्ला घेणं अत्यावश्यक आहे.