मिथुन मन्हास यांची बीसीसीआयचे नवे अध्यक्ष म्हणून निवड!

२८ सप्टेंबर रोजी मुंबईत झालेल्या वार्षिक सर्वसाधारण सभेच्या (एजीएम) समारोपानंतर, मिथुन मन्हास यांची अधिकृतपणे भारतीय क्रिकेट नियामक मंडळाच्या (बीसीसीआय) अध्यक्षपदी नियुक्ती करण्यात आली आहे. रॉजर बिन्नी यांच्यानंतर आता मन्हास यांच्या खांद्यावर भारतीय क्रिकेट प्रशासनाचे नेतृत्व करण्याची जबाबदारी आली आहे.

मिथुन मन्हास यांच्यासोबत, राजीव शुक्ला यांना उपाध्यक्ष म्हणून घोषित करण्यात आले आहे, ज्यांना क्रिकेट प्रशासन आणि धोरणात्मक नियोजन या दोन्ही क्षेत्रात प्रचंड अनुभव आहे. देवजित सैकिया यांची मानद सचिव म्हणून निवड करण्यात आली, तर प्रभतेज सिंग भाटिया यांनी सह-सचिव म्हणून भूमिका स्वीकारली. आर्थिक कारभार ए रघुराम भट यांच्याकडे कोषाध्यक्ष म्हणून असणार आहे, ज्यामुळे बोर्डाच्या संसाधनांचे कार्यक्षमतेने आणि पारदर्शकपणे व्यवस्थापन केले जाईल याची खात्री होईल.

हे ही वाचा : 

जैश, लश्कर आणि हिजबुलवर पाकिस्तान सैन्याचं थेट नियंत्रण

पाकिस्तानविरुद्ध भारतीय संघ करेल शानदार प्रदर्शन

भारतीय कुटुंबांची संपत्ती सर्वाधिक वेगाने वाढली

सनातनमुळे भारताची ओळख, धमक्या देणे थांबवा

मिथुन मन्हास यांची क्रिकेट कारकीर्द

मिथुन मन्हास यांचा जन्म १२ ऑक्टोबर १९७९ रोजी जम्मू आणि काश्मीरमध्ये झाला आणि त्यांनी १९९७-९८ मध्ये प्रथम श्रेणी क्रिकेटमध्ये पदार्पण केले. त्यांनी १५७ प्रथम श्रेणी सामन्यांमध्ये ९७१४ धावा केल्या. या दरम्यान त्याची सरासरी ४५.८२ होती. त्यांनी २७ शतके आणि ४९ अर्धशतकेही केली. यासह त्यांनी १३० लिस्ट-ए सामन्यांमध्ये ४१२६ धावा केल्या, ज्यामध्ये ५ शतके आणि २६ अर्धशतकांचा समावेश आहे. ९१ टी-२० सामन्यांमध्ये त्यांनी ११७० धावा केल्या आहेत. तसेच ७० विकेट्सही घेतल्या आहेत. आयपीएलमध्ये त्यांनी दिल्ली कॅपिटल्स, पुणे वॉरियर्स इंडिया आणि चेन्नई सुपर किंग्जचे प्रतिनिधित्व केले आहे आणि एकूण ५५ सामन्यांमध्ये ५१४ धावा केल्या आहेत.

बीसीसीआयच्या नवीन अधिकाऱ्यांची यादी

• अध्यक्ष – मिथुन मन्हास
• उपाध्यक्ष – राजीव शुक्ला
• सचिव- देवजीत सैकिया
• कोषाध्यक्ष – रघुराम भट
• सहसचिव – प्रभतेज भाटिया
• आयपीएल अध्यक्ष – अरुण धुमल