ऑस्ट्रेलियाचे पंतप्रधान अँथनी अल्बनीज यांनी शनिवारी दुपारी जोडी हेडनसोबत विवाह केला. याची माहिती त्यांनी स्वतः सोशल मीडिया पोस्टद्वारे दिली. दोघे अनेक वर्षांपासून रिलेशनशिपमध्ये होते. या घोषणेमुळे एक ऐतिहासिक विक्रमही नोंदवला गेला आहे. प्रथमच एखाद्या कार्यरत ऑस्ट्रेलियन पंतप्रधानाने आपल्या कार्यकाळात विवाह केला आहे. हे कपल पाच वर्षांपूर्वी मेलबर्नमधील एका सार्वजनिक कार्यक्रमात प्रथम भेटले होते.
हा खासगी समारंभ पंतप्रधानांचे अधिकृत निवासस्थान ‘द लॉज’ येथे पार पडला. अल्बनीज यांनी एक्सवर अंगठीची इमोजी वापरून लिहिले — “Married!” स्थानिक माध्यमांच्या माहितीनुसार, विवाह सोहळ्यात फक्त कुटुंबीय आणि काही जिवलग मित्र हजर होते. यात अल्बनीज यांचा मुलगा नाथन तसेच हेडनचे आई-वडील बिल आणि पॉलीन उपस्थित होते. शादी झाल्यानंतर या जोडप्याने एक संयुक्त निवेदन प्रसिद्ध केले. त्यांनी म्हटले आहे, “आमच्या कुटुंबीय आणि जवळच्या मित्रांच्या उपस्थितीत, आम्ही आपल्या आगामी आयुष्याचा प्रवास एकत्र करण्याचे वचन देताना अत्यंत आनंदी आहोत.”
हेही वाचा..
बनावट पासपोर्टवरून पळालेला गुंड थायलंडमध्ये पकडला
दिल्ली ब्लास्ट : पोलिसांनी कोणाची माहिती मागवली ?
इस्रायलच्या हल्ल्यात सीरियामधील १३ जणांचा मृत्यू; दहशतवादी मारले गेल्याचा दावा
गायीचे निकृष्ठ तूप विकणाऱ्या पतंजलीला दंड
या जोडप्याचा विवाह न्यू साउथ वेल्स (NSW) सेंट्रल कोस्टमधील एका सेलिब्रंटने पार पाडला आणि त्यांनी स्वतः आपापल्या प्रतिज्ञा लिहिल्या. हेडनला त्यांच्या आई-वडिलांनी बेन फोल्ड्स यांच्या “The Luckiest” या गाण्यावर विवाहवेदीकडे आणले. एबीसी.नेट.एयूच्या माहितीनुसार, परंपरेप्रमाणे हेडनची पाच वर्षांची पुतणी एला फुलं घेऊन आली होती, तर पंतप्रधानांचा पाळीव कुत्रा टोतो अंगठी घेऊन विवाहस्थळी आला होता. कॅनबेरा येथील एका प्रसिद्ध रेस्टॉरंटमधील डिनरनंतर, फेब्रुवारी २०२४ मध्ये व्हॅलेंटाईन डेच्या दिवशी अल्बनीज यांनी ‘द लॉज’च्या बाल्कनीत हेडनला प्रपोज केले होते. यासाठी त्यांनी खास अंगठी तयार करून घेतली होती.
हेडन नियमितपणे पंतप्रधान अल्बनीज यांच्यासोबत विविध कार्यक्रमांना दिसत असतात. अल्बनीज २०१९ मध्ये त्यांच्या माजी पत्नी आणि न्यू साउथ वेल्सच्या माजी उपमुख्यमंत्री कार्मेल टेबट यांच्यापासून जवळपास वीस वर्षांच्या वैवाहिक आयुष्यानंतर विभक्त झाले होते. हेडन एनएसडब्ल्यू पब्लिक सर्व्हिस असोसिएशनमध्ये कार्यरत आहेत आणि यापूर्वी त्यांनी सुपरअॅन्युएशन (पेन्शन) क्षेत्रातही काम केले आहे.
