राजधानीत पोलिसांचे ‘ऑपरेशन आघात ३.०; २८५ आरोपींना अटक

देशभरात नव्या वर्षाच्या स्वागताची तयारी जल्लोषात सुरू असताना राजधानीत पोलिसांनी गुन्हेगारी रोखण्यासाठी कारवाईला सुरुवात केली आहे. या कारवाई अंतर्गत पोलिसांनी शेकडो आरोपींना अटक केली आहे. तसेच बेकायदेशीर शस्त्रे जप्त केली आणि चोरीची मालमत्ताही जप्त केली. अग्नेय दिल्ली पोलिसांनी जिल्ह्यातील संवेदनशील भागात समन्वित छापे आणि तपासणीसह ‘ऑपरेशन आघात ३.०‘ ही तीव्र मोहीम राबवली, ज्यामध्ये संघटित गुन्हेगारी आणि वारंवार कायदा मोडणाऱ्यांना लक्ष्य करण्यात आले.

पोलिसांनी सांगितले की, या कारवाईदरम्यान शस्त्रास्त्र कायदा, उत्पादन शुल्क कायदा, एनडीपीएस कायदा आणि जुगार कायद्याच्या विविध तरतुदींनुसार २८५ आरोपींना अटक करण्यात आली. याशिवाय, नवीन वर्षाच्या कार्यक्रमांमध्ये संभाव्य गुन्हे टाळण्यासाठी प्रतिबंधात्मक कारवाईअंतर्गत ५०४ लोकांना अटक करण्यात आली. तर, पोलिसांनी छाप्यांमध्ये १० मालमत्ता गुन्हेगार आणि पाच वाहन चोरांनाही अटक केली.

पोलिसांनी केलेल्या या व्यापक कारवाईत २१ देशी बनावटीच्या पिस्तूल, २० जिवंत काडतुसे आणि २७ चाकूंसह अनेक वस्तू जप्त करण्यात आल्या. पोलिस पथकांनी ड्रग्ज आणि बेकायदेशीर दारूचा साठा देखील जप्त केला. चोरीला गेलेल्या मालमत्तेची मोठ्या प्रमाणात जप्ती करण्यात आली. पोलिसांनी सांगितले की, या कारवाईदरम्यान चोरीला गेलेले, लुटलेले किंवा हरवलेले ३१० मोबाईल फोन जप्त करण्यात आले.

हेही वाचा..

इस्लामी जमावाची संगीत कार्यक्रमावर दगडफेक; २० जण जखमी

मुलुंडमध्ये ‘डिजिटल अटक’चा सापळा; निवृत्त कर्मचाऱ्याची २.०४ कोटींची सायबर फसवणूक

स्टार्क आऊट की नॉटआऊट?

देशाच्या स्वातंत्र्यात अनेकांचे योगदान

वरिष्ठ पोलिस अधिकाऱ्यांनी सांगितले की, नवीन वर्षाच्या उत्सव कार्यक्रमांदरम्यान कायदा – सुरक्षा राखण्यासाठी ऑपरेशन आघात ३.० ची रचना करण्यात आली होती.