इराणमध्ये सेपेहरान एअरलाइन्सच्या बोइंग ७३७ विमानात उड्डाणानंतर काही वेळातच तांत्रिक बिघाड झाल्याने प्रवाशांमध्ये मोठी घबराट निर्माण झाली. मशहद विमानतळावरून केरमानशाहच्या दिशेने निघालेल्या या विमानाला काही वेळातच पुन्हा मशहद विमानतळाकडे वळावे लागले. विमानात प्रचंड कंपन जाणवत असल्याने प्रवाशांमध्ये भीतीचे वातावरण निर्माण झाले होते.
माहितीनुसार, विमानाच्या चाकातील एक टायर उड्डाणानंतर निघून गेल्याचे सांगण्यात येत आहे. त्यानंतर विमानाच्या इंजिनमध्ये तांत्रिक समस्या निर्माण झाली आणि विमानाला जोरदार हादरे बसू लागले. परिस्थिती लक्षात आल्यानंतर वैमानिकांनी प्रवास पुढे न सुरू ठेवता विमान पुन्हा मशहद विमानतळाकडे वळवण्याचा निर्णय घेतला. विमानातील जोरदार कंपनांमुळे केबिनच्या आतील भागाचेही नुकसान झाले. सामान ठेवण्यासाठी असलेल्या कप्प्यांचे दरवाजे उघडले आणि प्रवाशांचे सामान सीटवर तसेच विमानाच्या मार्गिकेत पडू लागले. यावेळी प्रवाशांमध्ये घबराट पसरली आणि प्रवाशांनी आरडाओरडा करण्यास सुरुवात केली.
हे ही वाचा:
स्वयंपाकघराच्या अस्वच्छतेमुळे कॅफे मॉडेगरचा परवाना निलंबित
रशियाकडून तेल खरेदी केल्यास भारतावर १०० टक्के ‘टॅरिफ’
“भारताच्या परराष्ट्र धोरणाला इतर देशांच्या प्रमाणपत्राची गरज नाही”
दुबईला जाणाऱ्या स्पाइसजेटच्या विमानांना २४ तासांहून अधिक विलंब
विमानाने अखेर मशहद विमानतळावर सुरक्षित आपत्कालीन लँडिंग केले. विमानतळावर आपत्कालीन यंत्रणा सज्ज ठेवण्यात आली होती. प्राथमिक माहितीनुसार, या घटनेत कोणत्याही प्रवाशाला किंवा विमानातील कर्मचाऱ्याला दुखापत झालेली नाही. या तांत्रिक बिघाडाचे नेमके कारण अद्याप स्पष्ट झालेले नाही. टायर निघण्याच्या घटनेचा इंजिनमधील बिघाडाशी संबंध होता का, याची तपासणी विमान वाहतूक अधिकाऱ्यांकडून केली जाणार आहे. विमानाची तांत्रिक तपासणी केल्यानंतर या घटनेमागचे नेमके कारण स्पष्ट होण्याची शक्यता आहे.
![National Stock Exchange](https://www.newsdanka.com/wp-content/uploads/2026/08/NSE_GOPAL_728x90_Hindi_NewsDanka.jpg")
