29 C
Mumbai
Thursday, November 19, 2026
घरविशेषदोन आठवड्यांत ‘रामायण’ने कमावले १,५०० कोटी

दोन आठवड्यांत ‘रामायण’ने कमावले १,५०० कोटी

भारतातही कमाईचा १,००० कोटींचा टप्पा पार

Google News Follow

नितेश तिवारी दिग्दर्शित ‘रामायण’ चित्रपटाने बॉक्स ऑफिसवर नवा विक्रम नोंदवला आहे. प्रदर्शनाच्या अवघ्या १४ दिवसांत चित्रपटाने जगभरात १,५०० कोटी रुपयांचा टप्पा पार केला आहे. विशेष म्हणजे, भारतातही चित्रपटाची ग्रॉस कमाई १,००० कोटी रुपयांवर पोहोचली आहे. यासह देशांतर्गत बॉक्स ऑफिसवर हा टप्पा गाठणारा ‘रामायण’ सहावा भारतीय चित्रपट ठरला आहे. आता चित्रपटाचे लक्ष्य जगभरातील १,७०० कोटी रुपयांच्या कमाईवर आहे.

रणबीर कपूर, साई पल्लवी आणि यश यांच्या प्रमुख भूमिका असलेल्या या चित्रपटाने १४ व्या दिवशी भारतात २३.२० कोटी रुपयांची नेट कमाई केली. यामुळे भारतातील एकूण नेट कमाई ८४४.४० कोटी, तर ग्रॉस कमाई १,००९.०५ कोटी रुपयांवर पोहोचली. परदेशातील कमाई ५१० कोटी रुपये झाली असून, जगभरातील एकूण कमाई १,५१९.०५ कोटी रुपये झाली आहे.

चित्रपटाच्या १४ व्या दिवसाच्या कमाईत हिंदी आवृत्तीचा सर्वाधिक वाटा राहिला. हिंदीतून १६.५० कोटी रुपयांची कमाई झाली. मल्याळम आवृत्तीने २.१५ कोटी, कन्नडने १.६५ कोटी, तमिळने १.६० कोटी, तर तेलुगू आवृत्तीने १.३० कोटी रुपये कमावले. या दिवशी देशभरात २२,२८९ शोमध्ये चित्रपट प्रदर्शित झाला.

हे ही वाचा:

ब्रह्मोसनंतर आता आकाश, पिनाकाच्या खरेदीत फिलिपाइन्सला स्वारस्य

सावरकरांच्या केलेल्या अपमानावरून शिवसेनेने सोनियांचे पुस्तक फाडले

राहुल गांधी हे मेंदू दिव्यांग

जावेद अख्तर म्हणतात, प्रत्येक भारतीयाच्या रक्तात राम

१,००० कोटींच्या क्लबमध्ये सहावा चित्रपट

भारतात १,००० कोटी रुपयांपेक्षा अधिक ग्रॉस कमाई करणाऱ्या चित्रपटांच्या यादीत ‘बाहुबली २’, ‘केजीएफ चॅप्टर २’, ‘पुष्पा २’, ‘धुरंधर’ आणि ‘धुरंधर २’ यांच्यानंतर आता ‘रामायण’चा समावेश झाला आहे. विशेष म्हणजे, या सहा चित्रपटांपैकी तीन चित्रपटांनी गेल्या वर्षभरातच हा टप्पा गाठला आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा