युनिफाइड पेमेंट इंटरफेस (UPI) द्वारे केलेल्या पेमेंटचा विक्रम प्रस्थापित झाला असून त्याचे प्रमाण सप्टेंबर २०२१ मध्ये ३.६६ अब्ज व्यवहारांच्या तुलनेत वाढून ४.२२ अब्ज झाले आहे. ऑक्टोबर २०२१ मध्ये व्यवहार मूल्य देखील सप्टेंबरमधील ६.५४ लाख कोटी रुपयांवरून ७.७१ लाख कोटी रुपयांवर पोहोचले आहे. डॉलर मूल्यामध्ये, UPI ने ऑक्टोबरमध्ये डॉलर १०३ अब्ज व्यवहार मूल्यासह प्रथमच डॉलर १०० अब्ज मासिक व्यवहार पार केले.
यावर्षी एप्रिल आणि मे महिन्यात कोरोना महामारीमुळे लादलेल्या लॉकडाऊन निर्बंधांमुळे UPI व्यवहार तुलनेने कमी झाले होते. UPI ही भारतामध्ये वापरली जाणारी मोबाईल- आधारित जलद पेमेंट प्रणाली आहे ज्या माध्यमातून प्रत्येक वापरकर्त्याला व्हर्च्युअल पेमेंट अॅड्रेस (VPA) वापरून कधीही पेमेंट करता येते.
हे ही वाचा:
मोदींच्या रॅलीत बॉम्बस्फोट घडवणाऱ्या चौघांना फाशी
राकेश टिकैत यांची पुन्हा एकदा सरकारला धमकी
निवडणुकीपूर्वीच समाजवादी पक्षाने हार पत्करली?
आरबीआयच्या म्हणण्यानुसार, यामुळे पैसे पाठवणाऱ्याने बँक खात्याची माहिती उघड करण्याचा धोका टळतो. UPI हे P2P किंवा Person to Person आणि P2M किंवा Person to Merchant अशा दोन पद्धतीने पेमेंट करण्याचे पर्याय देते, तसेच वापरकर्त्यांना पैसे पाठवण्याची आणि प्राप्त करण्याचीही परवानगी दिली जाते.
मोतीलाल ओसवाल फायनान्शिअल सर्व्हिसेसच्या अहवालात असे म्हटले आहे की, UPI चा बाजार हिस्सा आर्थिक वर्ष २०२२ च्या सुरुवातीच्या चार महिन्यांत ८० टक्क्यांपर्यंत वाढला आहे, जो आर्थिक वर्ष २०२१ मध्ये ७३ टक्के होता.
