डिजिटल पेमेंट आणि थेट लाभ हस्तांतरणाच्या बाबतीत भारत जागतिक गुरू बनला आहे.भारत या दिशेने विकसित देशांना रस्ता दाखवण्यास तयार असल्याचं इलेक्ट्रॉनिक्स आणि आयटी राज्यमंत्री राजीव चंद्रशेखर यांनी म्हटलं आहे. मंत्रालयाच्या आकडेवारीनुसार, गेल्या आर्थिक वर्ष २०२१-२२ मध्ये, दररोज ९० लाखाहून अधिक डीबीटी पेमेंट करण्यात आले, ज्याचा फायदा ९.५ कोटी लाभार्थ्यांना झाला. मंत्रालयाच्या म्हणण्यानुसार, भारतात दररोज सरासरी २८४ दशलक्ष डिजिटल व्यवहार केले जात आहेत, जे जगात सर्वाधिक आहे. डिजिटल व्यवहारांच्या बाबतीत चीन दुसऱ्या क्रमांकावर तर अमेरिका तिसऱ्या क्रमांकावर आहे.
अलिकडच्या मीडिया रिपोर्ट्सनुसार, जर्मनीसारख्या विकसित देशाला अपुऱ्या पायाभूत सुविधांमुळे डिजिटल पेमेंटद्वारे आपल्या नागरिकांच्या खात्यात पैसे हस्तांतरित करण्याच्या आव्हानांचा सामना करावा लागत असताना, भारताने २०१३ पासून डिबीटी मोडद्वारे २४.८ लाख कोटी रुपये हस्तांतरित करून एक मैलाचा दगड निर्माण केला आहे.
विकसित देशही भारताकडून शिकू शकतात
चंद्रशेखर म्हणाले की, डिजिटल पेमेंटच्या बाबतीत भारत केवळ विकसनशील देशांसाठी उदाहरण बनला नाही तर विकसित देशही भारताकडून शिकू शकतात. चंद्रशेखर म्हणाले की,शेतकऱ्यांच्या कल्याणासाठी वचनबद्ध, पंतप्रधान किसान सन्मान निधी योजनेच्या ११ व्या हप्त्यांतर्गत सुमारे २०,००० कोटी रुपये थेट १० कोटींहून अधिक लाभार्थ्यांच्या बँक खात्यात हस्तांतरित करण्यात आले. पंतप्रधान शेतकरी सन्मान निधी योजनेंतर्गत ९.५कोटी लाभार्थ्यांच्या बँक खात्यांमध्ये एका बटणाच्या क्लिकवर एका दिवसात १,९०० कोटी रुपये हस्तांतरित करण्यात आले. म्हणजे एका क्लिकवर ९.५ कोटी व्यवहार झाले.
हे ही वाचा:
गर्भवतीचा मृत्यू झाला आणि पोर्तुगालच्या आरोग्यमंत्र्यांनी राजीनामा दिला
सचिननंतर मुंबईत विराटही सुरू करतोय रेस्टॉरन्ट
बॅनरला विरोध केला म्हणून मनसे कार्यकर्त्याची महिलेला धक्काबु्क्की
मोठा दिलासा, एलपीजी गॅसच्या दरात १०० रुपयांची कपात
८८०० कोटी डिजिटल पेमेंट व्यवहार
गेल्या आर्थिक वर्ष २०२१-२२ मध्ये ८८०० कोटी डिजिटल पेमेंट व्यवहार झाले होते, तर यावर्षी २४ जुलैपर्यंत ३३०० कोटी डिजिटल व्यवहार झाले असल्याचं चंद्रशेखर यांनी सांगितलं
चालू आर्थिक वर्षात ५६६ लाख कोटी रुपयांचे डिजिटल व्यवहार
मंत्रालयाच्या म्हणण्यानुसार, चालू आर्थिक वर्षात ५६६ लाख कोटी रुपयांचे डिजिटल व्यवहार झाले आहेत. नॅशनल पेमेंट कॉर्पोरेशन ऑफ इंडियाच्या आकडेवारीनुसार, यूपीआय द्वारे डिजिटल पेमेंट व्यवहारांचे मूल्य या वर्षी ऑगस्टमध्ये १०.७३ लाख कोटीवर पोहोचले आहे, जे मागील महिन्याच्या तुलनेत किरकोळ वाढले आहे. डेटानुसार, या वर्षी ऑगस्टमध्ये यूपीआय व्यवहारांचे मूल्य एकूण ६.५७ अब्ज (६५७ कोटी) व्यवहारांशी संबंधित आहे, जे मागील महिन्यात ६.२८ अब्ज (628 कोटी) होते.
