इन्फिनिक्स ने भारतात आपली नवीन बजेट-फ्रेंडली गेमिंग स्मार्टफोन मालिका सादर केली असून, इन्फिनिक्स जीटी ३० ५जी प्लस हा नवीन स्मार्टफोन आता लाँच करण्यात आला आहे. या फोनमध्ये कंपनीने त्यांचा खास सायबर मेका डिझाइन 2.0 दिला आहे, तसेच मागील बाजूस पांढऱ्या एलईडी लाइटिंगची व्यवस्था करण्यात आली आहे. गेमिंग अनुभव अधिक प्रभावी करण्यासाठी आणि कस्टम फंक्शन्ससाठी ‘जीटी शोल्डर ट्रिगर्स’ दिलेले आहेत, जे गेमिंगसोबतच कॅमेरा कंट्रोल किंवा व्हिडिओ प्लेबॅकसाठी वापरता येतात.
इन्फिनिक्स जीटी ३० ५जी प्लस ची किंमत 8GB RAM + 128GB स्टोरेज व्हेरिएंटसाठी ₹19,499 आणि 8GB RAM + 256GB स्टोरेज व्हेरिएंटसाठी ₹20,999 ठेवण्यात आली आहे. हा स्मार्टफोन ब्लेड व्हाईट, सायबर ग्रीन आणि पल्स ब्लूया तीन आकर्षक रंगांमध्ये उपलब्ध आहे. हा फोन 14 ऑगस्टपासून फ्लिपकार्ट तसेच देशभरातील ऑफलाइन रिटेल स्टोअर्समध्ये विक्रीसाठी उपलब्ध होईल.
या डिव्हाइसला 6.78 इंचांचा 1.5K अमोलेड डिस्प्ले देण्यात आला आहे, ज्यामध्ये 144Hz रिफ्रेश रेट, एचडीआर सपोर्ट आणि तब्बल 4,500 निट्स पर्यंत पीक ब्राइटनेस आहे. शिवाय, यामध्ये 2,160Hz टच सॅम्पलिंग रेट, 2,304Hz पीडब्ल्यूएम डिमिंग आणि टीयूव्ही राइनलँड आय केअर सर्टिफिकेशन आहे. स्क्रीनचे संरक्षण कॉर्निंग गोरिल्ला ग्लास ७आय ने करण्यात आले आहे.
फोनमध्ये मीडियाटेक डायमेन्सिटी 7400 प्रोसेसर असून त्यासोबत 8GB LPDDR5X रॅम आणि 256GB पर्यंत UFS 2.0 स्टोरेज दिले आहे. या फोनला 5,500mAh क्षमतेची बॅटरी मिळते जी 45W फास्ट चार्जिंग, 10W रिव्हर्स वायर्ड चार्जिंग आणि बायपास चार्जिंगला सपोर्ट करते. ऑपरेटिंग सिस्टिम म्हणून यामध्ये अँड्रॉइड 15 आधारित एक्सओएस 15 दिले आहे. कंपनीने दोन मोठे ऑपरेटिंग सिस्टम अपडेट्स आणि तीन वर्षांची सिक्युरिटी पॅचेसची हमी दिली आहे.
इन्फिनिक्स जीटी ३० ५जी प्लस मध्ये एआय एक्सटेंडर, एआय इरेजर आणि एआय कटआउट सारख्या बिल्ट-इन एआय टूल्ससह 64 MP सोनी कॅमेरा सिस्टम आणि 8 MP अल्ट्रावाइड लेन्स आहे. 13 MP फ्रंट कॅमेरा आहे. 4K व्हिडिओ रेकॉर्डिंगला सपोर्ट करतो.
या स्मार्टफोनमध्ये एआय आधारित अनेक फीचर्स देण्यात आले आहेत जसे कीफोलॅक्स एआय व्हॉईस असिस्टंट, एआय नोट, एआय गॅलरी आणि एआय रायटिंग असिस्टंट. याशिवाय गुगलच्या ‘सर्कल टू सर्च’ फिचरचाही सपोर्ट आहे. गेमिंगसाठी दिलेले जीटी शोल्डर ट्रिगर्स वेगवेगळ्या ऍप्लिकेशन्समध्येही वापरता येतात. फोनमध्ये 90fps पर्यंत बीजीएमआय गेमिंग सपोर्ट असून एक्सबूस्ट एआय फीचर्ससहमॅजिक व्हॉइस चेंजर, झोन टच मास्टर आणि एस्पोर्ट्स मोड देण्यात आले आहेत. उष्णता नियंत्रणासाठी 6-लेयर 3D व्हेपर चेंबर कूलिंग सिस्टमही दिली आहे.
या फोनला IP64 रेटिंग मिळाले असून तो धूळ आणि पाण्याच्या हलक्या उड्यांपासून सुरक्षित आहे. कनेक्टिव्हिटीसाठी 5G, 4G, वाय-फाय, ब्लूटूथ 5.3, जीपीएस आणि यूएसबी टाइप-सी पोर्ट आहे. इन-डिस्प्ले फिंगरप्रिंट सेन्सर आणि अल्ट्रालिंक कनेक्टिव्हिटीमुळे सुरक्षा अधिक बळकट केली आहे.
इन्फिनिक्स जीटी ३० ५जी प्लस हा स्मार्टफोन एकूणच गेमिंगप्रेमी आणि आधुनिक वापरकर्त्यांसाठी एक आकर्षक पर्याय ठरतो आहे.
