१० वर्षात भारताचा जीडीपी दुप्पट

भारत सध्या जगातील सर्वात वेगाने वाढणाऱ्या अर्थव्यवस्थांपैकी एक आहे. आर्थिक सुधारणा आणि व्यवसायस्नेही वातावरणामुळे गुंतवणूकदारांचा विश्वास भारतावर वाढला आहे. गेल्या दशकात भारताच्या अर्थव्यवस्थेने वेगाने प्रगती केली आहे, ज्यामुळे देशाचा GDP दुप्पट झाली आहे. २०१५ मध्ये २.१ ट्रिलियन डॉलर्स असलेली भारताची अर्थव्यवस्था आता २०२५ पर्यंत ४.३ ट्रिलियन डॉलर्सपर्यंत पोहोचण्याच्या दिशेने वाटचाल करत आहे. आंतरराष्ट्रीय नाणेनिधी (IMF) च्या ताज्या अहवालानुसार, सध्याच्या विकासदराच्या आधारे भारत २०२५ मध्ये जपानला आणि २०२७ मध्ये जर्मनीला मागे टाकू शकतो.

IMF च्या अहवालानुसार, भारत आज जगातील सर्वात वेगाने वाढणाऱ्या अर्थव्यवस्थांपैकी एक आहे. आर्थिक सुधारणा आणि व्यापारास अनुकूल धोरणांमुळे गुंतवणूकदारांचा भारतावर विश्वास वाढला आहे. पंतप्रधान नरेंद्र मोदी यांच्या नेतृत्वाखाली घेतलेल्या धोरणात्मक निर्णयांनी आणि सुधारणांनी अर्थव्यवस्थेला बळ दिले आहे.

हेही वाचा..

गाझा येथे इस्रायली हवाई हल्ल्यात हमासचा नेता सलाह अल-बर्दावील ठार

भगवान आदिनाथ जन्म कल्याणक महोत्सव : दिल्लीच्या मुख्यमंत्री रेखा गुप्ता झाल्या सहभागी

भारताकडे हाय-वॅल्यू उत्पादन आणि निर्यातीत मोठी संधी

जम्मू-काश्मीर : डोडा जिल्ह्यात शस्त्रास्त्र साठा आणि दारुगोळा जप्त

भाजप नेते अमित मालवीय यांनी यावर प्रतिक्रिया देताना सांगितले की, भारत आता एका जागतिक आर्थिक महासत्तेच्या दिशेने वाटचाल करत आहे. त्यांनी या यशाचे श्रेय मोदी सरकारच्या सक्षम नेतृत्वाला आणि दूरदर्शी आर्थिक धोरणांना दिले. IMF च्या कार्यकारी मंडळाने भारताच्या धोरणांचे कौतुक करताना म्हटले आहे की, सध्याच्या निर्णयांमुळे भारत २०४७ पर्यंत एक विकसित अर्थव्यवस्था बनू शकतो. अहवालात सुचवले आहे की, भारताने श्रम बाजारात सुधारणा कराव्यात आणि महिलांची भागीदारी वाढवावी, ज्यामुळे नवीन रोजगार निर्माण होतील आणि गुंतवणुकीला चालना मिळेल.

भारताच्या या आर्थिक प्रगतीमुळे केवळ देशांतर्गतच नाही तर आंतरराष्ट्रीय स्तरावरही त्याची स्थिती अधिक मजबूत झाली आहे. तज्ज्ञांचे मत आहे की, भारताने जर हीच गती कायम ठेवली, तर पुढील काही वर्षांत तो जगातील तिसरी सर्वात मोठी अर्थव्यवस्था बनू शकतो.