तमिळनाडू विधानसभा निवडणुकीनंतर राज्यात सरकार स्थापनेच्या हालचाली वेगाने सुरू झाल्या आहेत. अभिनेते विजय यांच्या तमिळगा वेत्री कळघम (TVK) पक्षाने पहिल्याच निवडणुकीत मोठे यश मिळवत सर्वात मोठा पक्ष म्हणून उदय घेतला आहे. मात्र स्पष्ट बहुमत न मिळाल्यामुळे आता त्यांना इतर पक्षांच्या पाठिंब्याची गरज भासत आहे.
तमिळनाडू विधानसभेच्या २३४ जागांपैकी बहुमतासाठी ११८ जागांची आवश्यकता आहे. TVK ने सुमारे १०८ जागा जिंकल्या असून ते बहुमतापासून सुमारे १० जागांनी दूर आहेत. त्यामुळे सरकार स्थापन करण्यासाठी त्यांना किमान आणखी १० आमदारांचा पाठिंबा मिळवावा लागणार आहे.
हे ही वाचा:
राजनीतीच्या विद्यार्थ्यांनी अभ्यासावी अशी रणनीती
कॅबिनेटचे मोठे निर्णय: रेल्वे, चिप सेक्टर आणि कापूस मिशनला चालना
युद्धविरामाच्या काळातही इराणचे UAE वर हल्ले का वाढले?
कोलकाता डीसीपी शांतनु सिन्हा बिस्वास यांच्या विरोधात लुकआउट नोटीस
याच पार्श्वभूमीवर विजय यांनी काँग्रेसकडे मदतीचा हात पुढे केला आहे. काँग्रेसकडे सुमारे १८ जागा आहे. त्यामुळे काँग्रेसचा पाठिंबा मिळाल्यास TVK सहजपणे बहुमताचा ११८ चा आकडा पार करू शकते. काँग्रेसनेही TVK ला पाठिंबा देण्याची तयारी दाखवली आहे. मात्र हा पाठिंबा बिनशर्त नाही. काँग्रेसने सरकारमध्ये सहभाग आणि सत्तावाटपाची अट ठेवली आहे. म्हणजेच मंत्रिमंडळात काही महत्त्वाची पदे काँग्रेसला मिळावीत, अशी त्यांची अपेक्षा आहे. त्यामुळे संभाव्य सरकार हे आघाडीचे (कोअॅलिशन) असणार असल्याचे स्पष्ट दिसते.
दरम्यान, राज्यातील इतर पक्षांची ताकदही महत्त्वाची ठरत आहे. DMK आणि AIADMK यांसारख्या पारंपरिक पक्षांना या निवडणुकीत अपेक्षित यश मिळाले नाही. त्यामुळे पहिल्यांदाच तमिळनाडूच्या राजकारणात नवीन पक्ष TVK निर्णायक भूमिकेत दिसत आहे.
सध्या TVK कडून लहान पक्ष आणि अपक्ष आमदारांशीही चर्चा सुरू आहे. बहुमताचा सुरक्षित आकडा गाठण्यासाठी सर्व बाजूंनी प्रयत्न केले जात आहेत. पुढील काही दिवसांत सरकार स्थापनेचा अंतिम निर्णय होण्याची शक्यता आहे. एकूणच, २३४ पैकी ११८ या बहुमताच्या आकड्यावर सध्या संपूर्ण राजकारण फिरत आहे. काँग्रेसच्या १८ जागा आणि TVK च्या १०८ जागा एकत्र आल्यास सत्तास्थापना जवळपास निश्चित मानली जात आहे.
