भारतीय जीवन-विमा क्षेत्राची कमाल

भारताच्या लाइफ-इन्शुरन्स क्षेत्राने नोव्हेंबर महिन्यात दमदार पुनरागमन केले आहे. नव्या व्यवसाय प्रिमियममध्ये वर्ष-दर-वर्ष २३ टक्के वाढ होऊन तो ३१,११९.६ कोटी रुपये झाला आहे. केअरएज रेटिंग्सच्या अहवालानुसार, जीवन-विमा उद्योगाने सलग तिसऱ्या महिन्यात दुहेरी अंकांत मासिक वाढ नोंदवली. ही वाढ मुख्यत्त्वे वैयक्तिक नॉन-सिंगल पॉलिसींमधील तेजी आणि वैयक्तिक व गट (ग्रुप) या दोन्ही विभागातील चांगल्या कामगिरीमुळे दिसून आली.

अहवालात नमूद केले आहे की GST मधील सवलतीनंतर बाजारात आलेले सकारात्मक बदल आणि मागील वर्षीचा कमी बेस इफेक्ट यामुळेही उद्योगाची वाढ गतिमान राहिली. LIC ने वैयक्तिक व गट दोन्ही विभागांत उत्तम कामगिरी करून बाजारातील अग्रस्थान कायम ठेवले, तर खासगी विमा कंपन्यांनीही दुहेरी अंकांत वाढ सुरू ठेवली आहे. वैयक्तिक नॉन-सिंगल प्रिमियममध्ये समाधानकारक वाढ झाली असून त्यामुळे सतत येणाऱ्या प्रिमियमची स्थिरता दिसून येते. गट व्यवसायालाही संस्थात्मक क्रियाकलापांत सुधारणा झाल्याचा फायदा झाला. मात्र, गेल्या वर्षीच्या अत्यंत मजबूत बेस इफेक्टमुळे यंदा ग्रुप पॉलिसींच्या रिन्युअल रेटमध्ये किंचित घट दिसली. तरीही क्षेत्राची एकूण दिशा सकारात्मक आहे.

हेही वाचा..

नुपी लाल स्मारकावर राष्ट्रपतींकडून पुष्पांजली

बस दरीत कोसळून ९ तीर्थयात्रूंचा मृत्यू

इंडिगोवर DGCA ची मोठी कारवाई

सहा आखाती देशांनी ‘धुरंधर’वर घातली बंदी; कारण काय?

अहवालानुसार, वित्त वर्ष २०२६ मध्ये आतापर्यंत प्रथम-वर्ष प्रिमियममध्ये सातत्यपूर्ण आणि जोरदार वाढ झाली आहे, ज्यात मोठा वाटा खासगी कंपन्यांचा आहे. नोव्हेबरमध्ये जीवन-विमा कंपन्यांच्या सिंगल-प्रीमियम व्यवसायात २९.४ टक्के वाढ नोंदवली गेली, तर मागील वर्षी याच महिन्यात यात १९.८ टक्के घट झाली होती. नॉन-सिंगल प्रिमियममध्ये १४.३ टक्के सामान्य वाढ दिसून आली, कारण ग्रुप रिन्युअल कमी झाले होते. मात्र GST कपातीनंतर लोक वैयक्तिक नॉन-सिंगल उत्पादनांकडे अधिक वळत आहेत. खासगी कंपन्यांनी वैयक्तिक नॉन-सिंगल विभागात आपली स्थिती अधिक बळकट केली, तर LIC ने सिंगल-प्रीमियम व्यवसायात आघाडी कायम ठेवली. वैयक्तिक जीवन-विमा प्रिमियममध्ये २६.४ टक्के वाढ झाली, जे मागील वर्षाच्या केवळ ७.७ टक्के वाढीपेक्षा खूप जास्त आहे.

केअरएज रेटिंग्सचे वरिष्ठ संचालक संजय अग्रवाल यांनी सांगितले की नोव्हेंबरमध्ये भारताच्या जीवन-विमा क्षेत्राने मजबूत पुनरागमन केले आहे. त्यांच्या मते, पॉलिसींच्या वाढत्या विक्रीसह ग्राहकांचा विस्तृत सहभाग हे दर्शवते की उद्योग गेल्या वर्षी सुधारित केलेल्या सरेंडर व्हॅल्यू नियमांमुळे निर्माण झालेल्या एजन्सी-स्तरीय अडचणींमधून आता सावरला आहे.