अमेरिकााच्या व्हाईट हाऊसचे आर्थिक सल्लागार केविन हॅसेट यांनी सोमवारी म्हटले की भारतासोबतचा व्यापार करार लवकरच होऊ शकतो. त्यांनी सांगितले की भारत आणि अमेरिका हे चांगले मित्रदेश आहेत आणि ट्रम्प प्रशासनाला या कराराबाबत अद्यापही मोठी आशा आहे. ते म्हणाले, “आम्ही आशावादी आहोत. भारत आमचा मित्रदेश आहे आणि आम्ही अपेक्षा करतो की लवकरच चर्चा पूर्णत्वास जाईल.”
हॅसेट यांनी हेही स्पष्ट केले की हा मुद्दा थोडा गुंतागुंतीचा आहे, कारण भारताचे रशियासोबतही घनिष्ठ संबंध आहेत. भारत–अमेरिका नातेसंबंधांमध्ये अनेक स्तर आहेत आणि त्यामुळे परिस्थिती अधिक क्लिष्ट होते. दरम्यान, त्याच दिवशी भारताचे वाणिज्य सचिव राजेश अग्रवाल यांनीही संकेत दिले की व्यापार करार जवळजवळ अंतिम टप्प्यात आहे. अग्रवाल यांनी दिल्लीत पत्रकारांना सांगितले की दोन्ही देश द्विपक्षीय व्यापार करारावर नियमितपणे ऑनलाईन बैठक घेत आहेत. जरी कोणतीही निश्चित वेळमर्यादा नसली तरी चर्चेचा पहिला टप्पा वेगाने पुढे सरकत आहे.
हेही वाचा..
हसीना प्रकरणावरील निर्णयानंतर बांगलादेशात पुन्हा अराजकता; अश्रुधुर, साउंड ग्रेनेड, लाठीमार!
दिल्ली कार स्फोटापूर्वी दहशतवाद्यांनी हमास शैलीतील ड्रोन हल्ल्यांची आखली होती योजना?
दिल्ली बॉम्बस्फोट: अल- फलाह विद्यापीठासह २४ ठिकाणी ईडीचे छापे
संशोधकांनी विकसित केले स्मार्ट पोर्टेबल डिव्हाइस
गेल्या आठवड्यात अमेरिकेचे राष्ट्राध्यक्ष डोनाल्ड ट्रम्प यांनीही भारत–अमेरिका संबंध दृढ करण्याबाबत सकारात्मक संकेत दिले होते. यामुळे अपेक्षा वाढली आहे की दोन्ही मोठ्या लोकशाही देशांमध्ये व्यापार करार लवकर होऊ शकतो. ट्रम्प यांनी गुरुवारी व्हाईट हाऊसमध्ये पत्रकारांना सांगितले की भारतीय पंतप्रधान नरेंद्र मोदी यांच्यासोबत त्यांची चर्चा “फार चांगली” सुरू आहे आणि पुढील वर्षी त्यांचा दिल्ली दौरा देखील होऊ शकतो.
सोमवारी ट्रम्प यांनी हेही म्हटले की भविष्यात भारतावर लावलेले शुल्क ते कमी करू शकतात. त्यांनी सांगितले की भारतासोबत असा करार करण्याच्या ते खूप जवळ आहेत, जो सर्वांसाठी फायदेशीर ठरेल. जरी भारतातील काही अधिकारी या कराराबद्दल आशावादी असले तरी वाणिज्य मंत्री पीयूष गोयल यांनी स्पष्ट केले की भारत इतर देशांसोबतच्या व्यापार करारांमध्ये शेतकरी, दुग्धव्यवसाय आणि कामगार यांच्या हिताशी तडजोड करणार नाही. त्यांनी सांगितले की भारत न्याय्य आणि संतुलित व्यापार कराराची मागणी करतो आणि याचे वेळापत्रक दोन्ही देशांच्या तयारीवर अवलंबून असेल. त्यांनी म्हटले की व्यापार करार उद्याही होऊ शकतो, पुढच्या महिन्यातही किंवा पुढील वर्षीही… सरकार सर्व पर्यायांसाठी तयार आहे. दरम्यान, भारत अमेरिका कडून तेल आणि वायूची खरेदीही वाढवत आहे, ज्यामुळे दोन्ही देशांतील व्यापार संतुलन सुधारण्यास मदत होईल.
