31 C
Mumbai
Monday, November 16, 2026
घरक्राईमनामामुंबई महानगरपालिकेत नोकरीचे आमिष दाखवून घातला ३३ लाखांचा गंडा

मुंबई महानगरपालिकेत नोकरीचे आमिष दाखवून घातला ३३ लाखांचा गंडा

मुंबई, सातारा, कोल्हापूर, सांगली येथील ४३ जणांची केली फसवणूक

Google News Follow

मुंबई महानगरपालिकेत नोकरी लावून देतो सांगत तब्बल ४३ जणांची फसवणूक केल्याची धक्कादायक घटना उघडकीस आली आहे. मुंबई, सातारा, कोल्हापूर, सांगली येथील अनेकांना नोकरीचे प्रलोभन देऊन आरोपींनी ३३ लाखांचा गंडा घातला आहे. शिवाय हा आकडा आणखी वाढण्याची शक्यता आहे. याबाबत कुर्ला पोलिस ठाणे येथे गुन्हा नोंदविण्यात आला असून पोलिसांकडून तपास सुरू आहे.

सांगलीतील रहिवासी असलेले आणि शेतीचे काम करणारे अनिलकुमार गाँजारी (५०) यांनी केलेल्या तक्रारीनुसार, त्यांची ओळख माया चव्हाण (५९) हिच्याशी जून २०२४ मध्ये नातेवाइकांमार्फत झाली. संबंधित महिला ही पालिका (एल. वॉर्ड, कुर्ला) येथे कार्यरत असल्याचे सांगत होती. तिने पालिकेतील वरिष्ठ अधिकाऱ्यांशी ओळख असल्याचा दावा केला आणि पालिकेत विविध पदांसाठी नोकरी लावून देण्याचे आश्वासन दिले.

शिपाई, लिपिक, आर. ए. लिपिक व हेड क्लार्क पदांसाठी १.७० लाख ते २.५० लाख रुपये घेण्यात येतील, असे सांगण्यात आले. सुरुवातीला फॉर्म फीच्या नावाखाली रक्कम घेतल्यानंतर उमेदवारांकडून कागदपत्रे मागविण्यात आली. त्यानंतर उमेदवारांची वैद्यकीय तपासणी घाटकोपर पूर्व येथील पारेख हॉस्पिटलमध्ये करण्यात आली. प्रत्येक उमेदवाराकडून १० हजार रुपये रोख स्वरूपात घेण्यात आल्याचा आरोप आहे. तक्रारदाराने सांगितले की, ऑगस्ट २०२४ ते जानेवारी २०२५ दरम्यान विविध बँक खात्यांवर ऑनलाइन व्यवहारांद्वारे सुमारे २४ लाख ६८ हजार पाठविण्यात आले. तसेच मुंबईत प्रत्यक्ष भेटीदरम्यान ८ लाख ३० हजार रुपये रोख दिले.

हे ही वाचा:

डाव्यांचा जेएनयूत थयथयाट; अभाविपच्या सदस्याच्या डोळ्यात फेकली पूड

“राहुल गांधींनी इंडी आघाडीची सूत्रे ममता बॅनर्जींकडे सोपवावीत”

… म्हणून सिंगल- सीट तेजस विमानांचा संपूर्ण ताफा ग्राउंड!

मोस्ट वॉन्टेड ड्रग्ज माफिया एल मेंचो मेक्सिकोमधील लष्करी कारवाईत ठार

संबंधित महिला प्रत्यक्षात महानगरपालिकेत शिपाई पदावर कार्यरत असल्याची माहिती समोर आली आहे. इतर आरोपींनीही बनावट ओळखपत्रे आणि शिक्के वापरून स्वतःला अधिकारी म्हणून भासविल्याचा आरोप आहे. या प्रकरणात प्रथमेश चव्हाण, सुरेंद्र गुरव, राहुल जाधव (स्वतःला बीएमसी अभियंता म्हणवणारे) व इतरांचा सहभाग असल्याचा संशय व्यक्त करण्यात आला आहे. कुर्ला पोलिस ठाण्याकडून प्रकरणाची चौकशी सुरू असून, पुढील तपास सुरू आहे. यामध्ये बनावट कागदपत्राद्वारे विश्वास संपादन करण्यात आला आहे. याप्रकरणी पोलिस तपास सुरू आहे. तसेच चव्हाण ही महिला सेवानिवृत्त झाली असल्याची माहितीही तक्रारदार यांना मिळाली आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा