अहमदाबादमध्ये कोडीनयुक्त कफ सिरपच्या ३८७ बाटल्या जप्त

अहमदाबाद पोलिसांनी वासणा परिसरातून ३२ वर्षीय शाहनवाज ऊर्फ शानू ऊर्फ मोहम्मद इलियास अन्सारी याला अटक केली असून, त्याच्याकडून कोडीनयुक्त कफ सिरपच्या ३८७ बाटल्या जप्त केल्या आहेत. जप्त करण्यात आलेल्या मालमत्तेची एकूण किंमत १ लाख ५१ हजार ५०७ रुपये आहे. ‘शहरात कोणतेही व्यसन नाही’ या मोहिमेअंतर्गत २२ ऑगस्ट रोजी ही कारवाई करण्यात आली.

हेड कॉन्स्टेबल विक्रमभाई नारूभाई यांना मिळालेल्या माहितीच्या आधारे, पोलीस उपनिरीक्षक एच. एम. गोहिल यांच्या नेतृत्वाखालील पथकाने रात्री ९.५० वाजता कारवाई केली. अन्सारी हा गुप्तानगरमधील कुबा मशिदीजवळील गरीब नवाज हॉटेल परिसरात ऑटो-रिक्षातून कफ सिरपच्या बाटल्या घेऊन त्यांची विक्री करण्याचा प्रयत्न करत असल्याचे पोलिसांनी सांगितले.

झडतीदरम्यान ट्रायप्रोलिडाइन हायड्रोक्लोराइड आणि कोडीन फॉस्फेटयुक्त कफ सिरपच्या ३८७ बाटल्या सापडल्या. प्रत्येक बाटलीची किंमत २६१ रुपये, तर सिरपची एकूण किंमत १ लाख १ हजार ७ रुपये आहे. पोलिसांनी याशिवाय मोबाइल फोन आणि ऑटो-रिक्षाही जप्त केली आहे. या प्रकरणी वासणा पोलीस ठाण्यात NDPS कायद्याच्या कलम ८(सी) आणि २१(सी) अंतर्गत गुन्हा दाखल करण्यात आला असून, पुढील तपास सुरू आहे.

हे ही वाचा:

दिल्ली पावसाने बेहाल; रस्ते जलमय, विमानसेवाही कोलमडली

काश्मिरी पंडितांची नाव-पत्त्यासह नंबर असलेली यादी दहशतवाद्यांकडून जारी

३० हजार कोटींच्या ‘डिजिटल अरेस्ट’ रॅकेटप्रकरणी मुंबईत दोघांना अटक

वंधामातील २३ काश्मिरी पंडितांच्या हत्येचे गूढ उलगडणार?

दरम्यान, अहमदाबादमध्ये कोडीनयुक्त कफ सिरपच्या बेकायदेशीर वाहतुकीवर पोलिसांचे लक्ष वाढले आहे. या महिन्याच्या सुरुवातीला अहमदाबाद एसओजीने जनरल पोस्ट ऑफिसमधील एका पार्सलमधून कोडीन फॉस्फेटयुक्त कफ सिरपच्या ५ हजार ५० बाटल्या जप्त केल्या होत्या. या प्रकरणातही NDPS कायद्यांतर्गत गुन्हा दाखल करण्यात आला होता.