ड्रोन आयात प्रकरणी लाचखोरीच्या आरोपावरून DGCA चे उपमहानिदेशक अटकेत

केंद्रीय अन्वेषण ब्यूरोने (CBI) ड्रोन आयाताशी संबंधित २.५ लाख रुपयांच्या लाचखोरी प्रकरणात नागरी उड्डयन महासंचालनालय (DGCA) मधील एका वरिष्ठ अधिकाऱ्यासह एका खासगी कंपनीच्या वरिष्ठ अधिकाऱ्याला अटक केली आहे. अटक करण्यात आलेल्यांमध्ये DGCA च्या एअरवर्थिनेस संचालनालयातील उपमहानिदेशक मुदावथ देवुला आणि एका मोठ्या कॉर्पोरेट समूहाचे वरिष्ठ उपाध्यक्ष भरत माथुर यांचा समावेश आहे. सीबीआयच्या माहितीनुसार, हा गुन्हा १८ एप्रिल २०२६ रोजी नोंदवण्यात आला.

सीबीआयच्या अधिकृत निवेदनानुसार, आरोपी अधिकाऱ्याने एका खासगी एरोस्पेस कंपनीच्या प्रलंबित अर्जांना मंजुरी देण्यासाठी लाच मागितली होती. शनिवारी (१८ एप्रिल) सापळा कारवाईदरम्यान सीबीआयने २.५ लाखांची संपूर्ण लाच रक्कम जप्त करत दोन्ही आरोपींना रंगेहात अटक केली. सीबीआयने म्हटले आहे की, “DGCA मुख्यालय, नवी दिल्ली येथील एअरवर्थिनेस संचालनालयाचे उपमहानिदेशक आणि एका खासगी कंपनीच्या प्रतिनिधीला २.५ लाखांच्या लाच प्रकरणात अटक करण्यात आली असून संपूर्ण रक्कम जप्त करण्यात आली आहे.”

प्रकरण नोंदवल्यानंतर सीबीआयच्या पथकांनी दिल्लीतील चार ठिकाणी छापे टाकले. या तपासादरम्यान सुमारे ₹३७ लाख रोख रक्कम, सोने-चांदीची नाणी आणि अनेक डिजिटल उपकरणे जप्त करण्यात आली असून ती पुढील तपासासाठी ताब्यात घेण्यात आली आहेत.

हे ही वाचा:

जम्मू-कश्मीरच्या पुलवामामध्ये ७.५० ग्रॅम हेरॉईनसह दोन तस्कर अटकेत

अमेरिकी सैन्य जहाजांवर इराणचे ड्रोन हल्ले

स्वराज्य स्पोर्टस् व श्रीराम क्रीडा विश्वस्तने पटकावला श्री मावळी मंडळ चषक

“तुम्ही आम्हाला पुढे जाण्याची परवानगी दिली होती, आता गोळीबार का करता?”

एअरवर्थिनेस संचालनालय हे DGCA मधील एक महत्त्वाचे विभाग असून, प्रमाणन प्रक्रिया, सुरक्षा मानकांचे पालन तसेच आयात आणि ऑपरेशन मंजुरीशी संबंधित कामकाजाची देखरेख करते. यामध्ये ड्रोन (मानवरहित हवाई वाहने) यांचाही समावेश होतो. त्यामुळे या स्तरावरचे भ्रष्टाचाराचे आरोप नागरी उड्डयन सुरक्षेबाबत आणि नियामक पारदर्शकतेबाबत गंभीर चिंता निर्माण करणारे आहेत. सीबीआयने या प्रकरणाला एका वरिष्ठ नियामक अधिकाऱ्य आणि खासगी क्षेत्रातील प्रतिनिधी यांच्यातील कथित भ्रष्टाचाराचे स्पष्ट उदाहरण असल्याचे म्हटले आहे.