मुंबईमधील कुर्ल्यामध्ये बलात्कार करून एका तरुणीची हत्या करण्यात आल्याचे धक्कादायक प्रकरण समोर आले आहे. ही घटना कुर्ला येथील एचडीआयएल कंपाउंडमध्ये घडली आहे. या घटनेमुळे मुंबईत खळबळ उडाली असून पोलिसांनी या प्रकरणी अज्ञात व्यक्तीविरुद्ध बलात्कार आणि हत्येचा गुन्हा दाखल केला आहे.
A 20-year-old woman was raped and killed by an unidentified person in Kurla area of Mumbai, Maharashtra. The woman's body, which had started decomposing, was found in a vacant building. A case has been registered under Sections 376 & 302 of IPC: Mumbai Police
— ANI (@ANI) November 27, 2021
कुर्ला परिसरातील एचडीआयएल कंपाउंडमधील एका बंद इमारतीच्या टेरेसवर या तरुणीचा मृतदेह आढळून आला. संबंधित प्रकरणाची माहिती मिळताच पोलिसांनी घटनास्थळी धाव घेत तातडीने तरुणीचा मृतदेह राजावाडी रुग्णालयात शवविच्छेदनासाठी पाठवला. शवविच्छेदन अहवालातून तरुणीवर बलात्कार करण्यात आल्याचे समोर आले. डॉक्टरांच्या अहवालानंतर पोलिसांनी अज्ञात व्यक्तीविरुद्ध बलात्कार आणि हत्येचा गुन्हा दाखल केला आहे.
हे ही वाचा:
सीआयडीकडून परमबीर यांना दोन समन्स
परदेशी चलनाची तस्करी करणाऱ्या दोघांना मुंबई विमानतळावरून अटक! सापडले एवढे कोटी
वारकऱ्यांच्या दिंडीत पिकअप घुसला; ६ ठार
शिवसेनेच्या खोतकरांची ईडी कडून १८ तास चौकशी
काही तरुण त्यांच्या इन्स्टाग्रामसाठी व्हिडिओ शूट करण्यासाठी एचडीआयएल कंपाउंडमधील बंद असलेल्या इमारतीवर गेले असता त्यावेळी त्यांना टेरेसवर तरुणीचा मृतदेह दिसला. तरुणांनी तातडीने यासंबंधीची माहिती पोलिसांना दिली. पोलिसांनी तात्काळ घटनास्थळावर धाव घेत तपास सुरु करून अद्याप या तरुणीची ओळख पटलेली नाही. पोलीस परिसरात कोणी बेपत्ता असल्याच्या काही तक्रारी आल्या आहेत का? याची तपासणी करत आहेत.
