27 C
Mumbai
Saturday, November 21, 2026
घरक्राईमनामासोने तस्करी टोळीला मदत, महिला पोलीस शिपाई बडतर्फ

सोने तस्करी टोळीला मदत, महिला पोलीस शिपाई बडतर्फ

सीमाशुल्क विभागाच्या अधिकाऱ्यांनी ३५ लाखाच्या सोन्यासह विमानतळातून बाहेर पडताना पकडले होते.

Google News Follow

आंतरराष्ट्रीय सोने तस्करी टोळीला मदत करणाऱ्या मुंबई पोलीस दलातील महिला पोलीस शिपायाला पोलीस दलातून बडतर्फ करण्यात आले आहे. काही महिन्यांपूर्वी या महिला पोलीस शिपाईला सीमाशुल्क विभागाच्या अधिकाऱ्यांनी ३५ लाखाच्या सोन्यासह विमानतळातून बाहेर पडताना पकडले होते. संध्याराणी चव्हाण असे बडतर्फ करण्यात आलेल्या महिला पोलीस शिपाईचे नाव आहे.

 

मुंबई पोलीस दलातील विशेष शाखा २ मध्ये असणाऱ्या संध्याराणी या महिला पोलीस शिपाईची ड्युटी विमानतळावर इमिग्रेशन येथे लावण्यात आली होती. एप्रिल २०२३मध्ये सीमाशुल्क विभागाच्या गुप्तचर युनिटने थायलंड येथून आलेल्या एका विदेशी नागरिकाला संशयावरून ताब्यात घेतले होते. त्याच्या चौकशीत तो एका आंतरराष्ट्रीय सोने तस्करी टोळीचा सदस्य असल्याची माहिती समोर आली. तसेच या टोळीला विमानतळावरून सोने बाहेर काढण्यासाठी विमानतळावर तैनात असलेली महिला पोलिस शिपाई मदत करीत असल्याची माहिती चौकशीत समोर आली.

 

हे ही वाचा:

हिमाचल प्रदेशमध्ये ढगफुटीमुळे एकाचा मृत्यू

मराठी गणितज्ञ डॉ. मंगला नारळीकर यांचे निधन

आयएसआयला मदत करणाऱ्याला उत्तर प्रदेशातून अटक

असभ्य भाषेची राऊत यांना आता शरम वाटू लागली…

सीमाशुल्क विभागाने संध्याराणी चव्हाण या महिला पोलीस शिपाईवर पाळत ठेवून ड्युटीच्या अगोदर विमानतळावरून बाहेर पडत असताना तिला ताब्यात घेऊन महिला अधिकारी यांनी तिची झडती घेतली असता तिच्याकडे ६६८ ग्राम सोने सापडले. या सोन्याची किंमत ३५ लाख ५० हजार असल्याचे समोर आले.

दरम्यान, सीमाशुल्क विभागाने महिला कॉन्स्टेबलचा अहवाल तयार करून मुंबई पोलिसांकडे पाठवला होता. तिच्यावर मुंबई पोलीस दलात विभागीय चौकशी लावण्यात आली होती. या चौकशीत ती दोषी आढळून आल्यावर तिला नुकतेच सेवेतून बडतर्फ करण्यात आले असल्याची माहिती एका अधिकारी यांनी दिली.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा