लव्ह जिहाद: पारुलचा लग्नानंतर छळ, बलात्कार, गोमांस खायला देण्याचा प्रयत्न!

पीडितेने नाझिल आणि त्याच्या कुटुंबावर वारंवार मारहाण, बलात्काराचा प्रयत्न आणि जीवे मारण्याची धमकी दिल्याचा आरोप केला आहे. दरम्यान, १४ जुलै २०२४ रोजी नाझिलने तिला वॉकरने मारहाण करून तिचा गळा दाबला, ज्यामुळे ती बेशुद्ध पडली. ४ एप्रिल रोजी नाझिलने पुन्हा एकदा तिचा गळा दाबण्याचा प्रयत्न केल्याचा आरोप आहे. लग्नानंतरही हे अत्याचार सुरूच राहिले, असे पारुलने म्हटले आहे. पीडितेने नाझिलचे भाऊ आदिल आणि कादिर यांच्यावरही लैंगिक अत्याचाराचा प्रयत्न केल्याचा आरोप केला आहे.

२१ जानेवारी २०२२ रोजी पारुलने तिच्या मुलीला जन्म दिला आणि तिला वाढवण्यासाठी काम शोधण्याचा प्रयत्न केला, नाझिलने तिला काम करण्यास विरोध केला आणि तिला आर्थिक मदत केली नाही. पारुलच्या म्हणण्यानुसार, नाझिलने तिला आणि तिची मुलगी टिंकलला दारू आणि कोरेक्स सिरप प्यायला भाग पाडले आणि तिच्या मुलीशी अश्लील वर्तनही केले. तक्रारीनुसार, नाझिल आणि त्याच्या कुटुंबाने पीडितेवर तिच्या इच्छेविरुद्ध नमाज पठण करण्यास आणि गोमांस खाण्यास दबाव आणला.

हे ही वाचा : 

पारुलने म्हटले आहे की आरोपीने तिला ओलीस ठेवले होते आणि जर तिने पोलिस तक्रार दाखल केली तर तिच्या कुटुंबाला मारण्याची धमकी दिली होती. तिच्या वडिलांच्या मृत्यूनंतर, कुटुंबाची कमकुवत स्थिती असल्याने ती काहीही बोलू शकली नाही.  पारुलने अधिकाऱ्यांकडे नाझिल, त्याचे भाऊ आदिल आणि कादीर आणि मोहम्मद सलीम गाजी यांच्यावर कठोर कारवाई करण्याची मागणी केली आहे. तिने पुरावा म्हणून वैद्यकीय अहवाल आणि छायाचित्रे देखील सादर केली आहेत.